VOV4.K’ho – Càr Dak Nông phàt mờr 410 tấn phe ai rơlao 27 rơbô nă cau là ală hìu bơnhă rơ[ah, geh rài kis kal ke mờ digơlan ờ tơl phe sa tàm tơngai sa tềp bơhiàn Mậu Tuất 2018. Tơl nă cau geh pà 15 k^ phe.

Ồng Huỳnh Ngọc Anh, Kuang atbồ Sở Lao động Thương binh mờ Xã hội càr Dak Nông pà git, Sở neh pơ gồp bal mờ Cục prap rơcang gàr Tây Nguyên, UBND 7 kơn hoàl tàm càr lơh broă jơh bal ngai dơ\ 7 mờ ngai rlô nàng lơh jơh broă phàt phe làng bol in lài mờ ngai 13/2/2018, hơ\ là ngai 28 satềp.

Càr Lâm Đồng tă mờr 28 tơmàn priă kờ` dong kờl, pà phan ală hìu nhă geh cau geh màng mờ dà lơgar, cau geh sră dong kờl bơh mpồl bơtiàn; ală hìu rơ[ah, hìu ndrờm mờ rơ[ah bal mờ kuang bàng, cau ling tàm mpồl ling càr dê chờ hờp wă rò nam pa satềp Mậu Tuất 2018.

Ală cau gơwèt hìu rơ[ah, ndrờm mờ rơ[ah, hìu nhă geh broă dong kờl bơh mpồl bơtiàn, cau ling sồt să, cau ling kòp tê jê să; cau ling khin cha jăk chài làng bol, cau jăk chài tàm broă lơh sa… geh càr Lâm Đồng pà tơl bơnah phan geh bơh 200 rơbô tus 1 tơlăk 500 rơbô priă.

Mìng is ală cau mè Việt Nam khin cha jăk chài geh dong kờl, pà tơl bơnah phan geh 2 tơlăk 500 rơbô priă.

Di tàm dơ\ do, càr Lâm Đồng gam pà 12 broă lơh tàm rài kis mpồl bơtiàn ai 12 xã tàm ală kơnhoàl, [òn dờng tàm càr do in, tơl broă lơh geh 500 tơlăk priă.

Công ty cổ phần kơnuh sơnơm Ngọc Linh pa pà 100 nơm sur mờ priă blơi phan ai làng bol tàm 3 xã Măng Ri, Tê Xăng mờ Ngọc Lây kơnhoàl Tu Mrong, càr Kon Tum in nàng satềp.

                              Ala măt kuang bàng đơng lam càr Kon Tum pà phan satềp làng bol in

100 nơm sur, kờp jơh 400 tơlak priă. Bal mờ hơ\, công ty do gam pà jơh 1 rơbô 500 hìu bơnhă làng bol tàm 3 xã in, tơl hìu bơnhă 200 rơbô nàng blơi tai phan satềp.

                                                 Làng bol càr Kon Tum dờp sur peh satềp

Ồng A Sỹ, Bí thư Đảng ủy xã Măng Ri pà git, làng bol tàm ală [òn tàm xã geh ngui khà sur geh Công ty dong kờl nàng bơyai lơh sa tềp bal ai jơh [òn in. Bal mờ hơ\, Cộng ty cổ phan kơnuh sơnơm Ngọc Linh neh pà kơnhoàl Kon Plong in 200 tơlak priă dong kờl broă lơh “Ngai chờ klơm mbar knơm ai cau rơ[ah in” satềp.

Kờ` cèng tus làng bol in geh 1 mang tam jào sơnam mờ chờ gờm nam pa Mậu Tuất chờ hờp, hờm ram mờ ờ do ờ dă, UBND [òn dờng Pleiku, càr Gia Lai gam pơgồp bal mờ ală sở, gah lơh broă, mpồl lơh broă gơrềng bal mhar ai broă lơh chờ tam jào sơnam mờ tơngu me “Chờ gờm Đảng, chờ gờm nam pa Mậu Tuất 2018”.

Mang chờ tam jào sơnam chờ gờm nam pa Mậu Tuất 2018 geh bơyai lơh tàm mang ngai 15 nhai 2, di mang 30 nhai 12 jăt tơngai àng kơnhai tus 12 jơ 20 mang ngai 16 nhai 2, hơ\ là ngai 1 nhai 1 satềp nam Mậu Tuất tàm [làng dờng Đại Đoàn Kết, [òn dờng Pleiku.

Cau cih mờ yal tơng^t Ndong Brawl – K’ Duẩn