Đơs bè bơta geh ngan do tàm kơnhoàl Đak Hà, càr Kontum, là tiah geh rơlau 8 rơbô 400 lồ kơphe, tàm hơ\ geh rlau 5 rbô 500 lồ gam tàm tơngai tơnhàu

Bơh ală ngai lồi nhai 10, tàm ală xã tam uă kơphe bè Hà Mòn, Đak Mar, Đak Hring, thị trấn Đak Hà… bơh kơnhoàl Đak Hà, càr Kontum dê neh sơn đờm crơng gơs ală drà cau lơh broă, drơng jơnau kờ` bè cau lơh broă ai kàl pic kơphe in.

Hìu geh mờr 3 lồ kơphe, nam lơi kung pal ơpah cau lơh broă, ồng Đào Xuân Liêm, ơm tàm [òn Thống Nhất, xã Hà Mòn pà git, pa sơn đờm bồ kàl mờ khà priă ơpah cau lơh broă neh gơguh uă bơh 75 rbô tus 80 rơbô ai dùl tạ plai ris in:

“Làng bol lòt lơh ơpah den khi sồr tơnguh priă ơpah lơh broă. Tơnguh priă ơpah den ală hìu nhă geh uă kơphe kung pal tơnguh. Tàm hìu nhă ờ geh cau lơh broă mờ n eh pic uă, hìu nhă geh uă kơphe ờ thàn pic den kung pal tơnguh priă ơpah jat jơnau sồr.”

Nàng pic geh mờr 1 rbô 700 lồ kơphe, bal mờ cau lơh broă hìu nhă dê, rlau 1 rbô 200 hìu nhă làng bol tàm xã Hà Mòn, kơnhoàl Đak Hà kờ` ơpah tai rlau 1 rbô 300 nă cau lơh broă ai kàl tơnhàu do in.

Mờ khà priă ơpah 80 rbô dùl tạ plai ris bè tu\ do, kờp bal dùl ngai pic geh bơh 6 tus 8 tạ kơphe, tơl nă cau geh mờr 500 rbô priă. Bal mờ broă pal tơm priă ơpah cau lơh broă mờ khà priă jơnhua ngan, cau ơpah gam pal git kơrhia tàm jơnau đơs, kung pal geh bơta pơn jờng khi in di tu\. Ồng Nguyễn Thái Lâm, Phó chủ tịch UBND xã Hà Mòn pà git:

“Cau tờm ơpah cau lơh broă tàm tu\ pic kơphe den pal đơs rơ le\ rơ lùn. Tu\ jơh pic den kung pal geh phan do phan ne pà khi in den hơ\ sồng khi pic he in. Ai dilah cau tờm ơpah cau lơh broă geh ală jơnau đơs ờ di nùs den cau ờ bài pic tai.

Bơta do kung là dùl bơta kal ke ngan ai cau ơpah cau lơh broă tàm do in. Bal mờ hơ\, gam geh ờ uă bơta kal ke tai là ờ uă làng bol kờ` hìu nhă pic kơphe mhar den cau do, cau ne geh sồr tơnguh priă ơpah pic.”

Nàng tơl cau pic rlau 5 rbô 500 lồ kơphe, pleh bơta ờ tơl cau lơh broă kung bè cau lơh broă sồr tơnguh khà priă ơpah, bơh lồi nhai 9, UBND kơnhoàl Đak Hà neh bơt bơtàu rơndap broă tam pà ring cau lơh broă tàm [òn lơgar.

Tàm hơ\ sồr UBND ală xã, thị trấn geh jơnau kờ` cau lơh broă mờ drơng cau lơh broă pal geh bơta pơ gồp bal krà` cê sền gàr ngap lơngai [òn lơgar, ờ do ờ dă mpồl bơtiàn mờ bơta kuơ đah ală gah. Bal mờ hơ\, gơnoar atbồ tàm [òn lơgar kung cih lài khà priă ơpah cau pic kơphe nàng làng bol in sền lài.

Mùl màl, gơ wèt mờ bă tiah ring, gùng lòt rê tàm pơgap 5 kơi sồ, khà priă ơpah cau pic là 80 rbô priă tàm 1 tạ kơphe ris, ù tiah kơh bơ nơm geh bơta kơh 20%, gùng lòt rê ngài bơh 5 tus 10 kơi sồ là 85 rbô; ù tiah geh bơta kơh bơh 30% rlau hơđang, gùng lòt rê ngài bơh 10 tus 20 kơi sồ là 90 rbô.

Bulah neh git lài, rơcang lài tàm broă tam pà, drơng ai mờ atbồ cau lơh broă, mơya jat ồng Nguyễn Tường Thắng, kuang atbồ Phòng Nông nghiệp mờ Phát triển Nông thôn kơnhoàl Đak Hà, bơta ơpah cau lơh broă kàl tơnhàu kơphe nam do in digơlan kal ke ngan:

“Cau pic kơphe kàl do in den pơnjat tai gơtìp kal ke tài ală nam lài geh cau lơh broă bơh tiah đah tô dà lơgar mut, hơ\ sồng bơh tiah ring tus tai. Bulah bè hơ\, 2 kàl pa do bơh ală tiah ring, tiah đah tô dà lơgar geh uă kong ti, mpồl lơh sa kă bro lơgar ndai khi hòi jà cau lơh broă, den tàng khà cau lơh broă bơh tiah ring tus ờ huan uă. Nam do đal git lài là kal ke ngan.

Khà priă ơpah cau lơh broă tàm Đak Hà nam do kung gơguh bơh 80 tus 90 rbô tàm 1 tạ ris, jơnhua rlau mờ nam lài.”

                                                                      Cau cih mờ yal tơnggit K’Duẩn