VOV4.K’ho- Tàm tiah Tây Nguyên, dơ\ pơrlòng jơh bơsram kấp ba dà lơgar nam do geh đơs là wil tơl, niam ờdo ờdă, ờ geh cau lơi lơh tìs kơrnoat. Dơ\ pơrlòng do, jơh gùt tiah Tây Nguyên geh rlau 47 rbô nă cau pơrlòng lơh sră cih mat lòt pơrlòng, 3 ngai do neh geh gi\t nđờ rbô nă cau pơrlòng ờ geh mat, tàm hơ\ càr Dak Lak geh rlau 1.100 nă cau pơrlòng sơrbì pơrlòng.

Jơnau đơs bal bơh cau pơrlòng tàm tiah Tây Nguyên dê đơs là, jơnau ai pơrlòng nam do tàm hơ\ geh jơnau neh bơsram, mơkung gơ jat bal mờ bơta geh ngan mờ geh bơta tam cah uă. Ală tiah neh geh uă broă lơh dong kờl cau pơrlòng.

Tàm hơ\, broă lơh “Dong kờl kàl pơrlòng” bơh Tỉnh đoàn Dak Lak dê neh hòi jà dong kờl geh 6.500 dơ\ sa ờ roh priă, 10 rbô khàr dà hùc, 1 rbô anih ơm ờ sa priă, 15 bơnah priă dong kờl bơsram ai kơnòm bơsram r[ah in.

Tàm càr Dak Nông, bal mờ broă lơh dong kờl kàl pơrlòng, UBND càr Dak Nông dong kờl rlau 152 tơlak priă ai 346 nă cau pơrlòng geh rài kis kal ke uă ngan in.

Cau mblàng Lơ Mu K’Yến