VOV4.K’ho - Ală ngai mờr satềp Mậu Tuất 2018, broă kă bro blơ\ blăc, pơn diang ờ di mờ adăt boh lam phan kă bro tàm ală gơl gùng lòt tàm Tây Nguyên gơbàn kal ke, mờ ală broă lơh gơbàn kal ke ngan.

Jăt Phòng cảnh sát sền gàr gùng lòt, kuang àng càr Dak Lak yal, bơh nggùl nhai 12 nam 2017 tus tu\ do, mpồl cảnh sát sền gàr gùng lòt kuang àng càr Dak Lak neh go\ mờ ku\p 17 nơm rơndeh dờng pơn diang năc pơn diang mờr 700 k^ poăc neh ồm, 7,4 khối dơm chi ờ g^t anih lơh, mờr 5 rơbô kơl dung jrào mờ rơlao 700 k^ pháo ală bơta.

         Ală bơta phan geh klơm nền nòn mờ bơrlu\ bal mờ ală bơta phan ndai den tàng kal ke ngan kờ` go\

Ală broă ndrờm geh go\ tàm ală gơl gùng 14, 26 mờ 27 tơrbo\ Tây Nguyên mờ ală càr jăt gah dà lềng đah jum tàm gùl lơgar. Broă lơh blơ\ blăc geh ală cau mờng ngui là klơm phan nền nòn tàm ală thùng castông, thùng xốp, bơrlu\ bal mờ ală bơta phan ndai kờ` mpồl lơh broă geh gơnoar ờ g^t đal.

Tu\ gơbàn go\, ală cau măy rơndeh mờng dô, ha là tu\ gơbàn ku\p den yal dờp pơn diang ơpah bơh ală cau ờ g^t măt sơnđan.

                       Pháo mờ jrào là 2 bơta phan kă bro blơ\ blăc uă ngan di tu\ mờr satềp nam 2018

Trung tá Nguyễn Quang Vịnh, atbồ Phòng cảnh sát sền gàr gùng lòt, kuang àng càr Dak Lak pà g^t:

-Bè ờs den ală cau pơyoa mờ ală hìu rơndeh, tơnơ\ mờ hơ\ hìu rơndeh rơndăp bal mờ ală bơta phan làng bol lòt bal tàm rơndeh pơn diang den tàng kal ke ngan kờ` go\. Mơya, bơh broă lơh, mờ bơh ală jơnau yal lài làng bol dê den tàng bol a` neh go\ ală bơta phan geh pồn ndơ\p ngan do mờ ku\p.

Jăt Thượng tá Hoàng Văn Yến, Phóng Phòng cảnh sát sền gàr gùng lòt kuang àng càr Kon Tum yal, mìng tàm rơlao nggùl nhai, bơh lồi nhai 12 nam 2017 tus bồ nhai 1 nam 2018, mpồl cảnh sát do neh go\ mờr 10 dơ\ rơndeh pơn diang năc pơn diang phan blơ\ blăc, tàm hơ\ geh pơnrơ ngan là 3 dơ\ pơn diang pháo tàm rơndeh Taxi mờ rơndeh pơn diang năc.

                        Tềng đăp mờ anih lơh broă kuang àng, ală cau do yal dờp pơn diang ơpah

Ală dơ\ pơn diang phan blơ\ blăc kung geh bal là bơrlu\ bal mờ ală bơta phan ndai, mờ tu\ gơbàn go\ den ai rơndeh ntoăt răt hơ\ sồng dô, cau măy rơndeh dờp pơn diang phan ơpah…

-Tàm tơngai pa do, Phòng cảnh sát sền gàr gùng lòt kung neh go\ 3 dơ\ pơn diang pháo ờ di mờ adăt boh lam tàm gơl gùng lòt. Ală cau do ngui rơndeh lòt tàm gùng kờ` pơn diang ală bơta pháo bơrtoh tàm rơndeh lòt tàm gùng đơs ngan là ngòt rơngơ\t ngan. Dơ\ 2 tai là kal ke ngan tus mờ mpồl cảnh sát sền gàr gùng lòt sền gròi.

Go\ den ală cau do mờng dô mờ mpồl cảnh sát sền gàr gùng lòt kung pal ngui ală broă ting tàm ală gùng lòt den hơ\ sồng ku\p geh, den tàng lơh gơbàn ngòt rơngơ\t ngan tus mờ ală cau lòt tàm gùng.

Tu\ do, ală bơta phan bè pháo, jrào, ơlăk, bièr lơgar bơdìh lơh tàm ală mpồng nhàr dà lơgar Bờ Y, càr Kon Tum; Bu Prăng, càr Dak Nông mờ Lệ Thanh, càr Gia Lai geh jòi blơi [uơn ngan. Den tàng, uă cau kờ` geh kuơ is bu\ lah g^t là tìs mờ adăt boh lam mơya kung gam tus kă bro blơ\ blăc sơl.

                                                  500 kơl dang jrào geh pồn tàm cốp rơndeh

Broă pơn diang phan kă bro tus tàm ală càr Tây Nguyên tăc mìng geh pơn diang mờ gùng ù gờl. Cau kă bro blơ\ blăc Nguyễn Thị Thắm, 34 sơnam, kis tàm [òn dờng Kon Tum tơnơ\ mờ tu\ gơbàn ku\p jàm tàm hìu jàm cảnh sát sền gàr gùng lòt kơnhoàl Krôgn Bu\k, càr Dak Lak bồ poh lài neh dờp:

-Go\ kă bro blơ\ blăc pháo geh kuơ, den tàng geh ală oh mi cau ùr neh tam jà bal kờ` blơi pháo cèng tăc, tơl kơl dung blơi tàm mpồng nhàr dà lơgar Bờ Y den geh 180 rơbô priă, tu\ cèng tus [òn dờng Buôn Ma Thuột tăc den geh 350 rơbô priă.

Kờ` tơmù ală bơta phan kă bro blơ\ blăc, phan ờ ngan, phan ờ niam geh tàm dà kă bro di tàm satềp do, mpồl lơh broă geh gơnoar tàm ală càr Tây Nguyên gam pơn jăt tai sền gròi nền nòn tàm ală mpồng nhàr dà lơgar, ală [làng rơndeh ơm, tiah rềp bal mờ ală càr jăt gah dà lềng đah jum tàm gùl lơgar mờ tiah đah jum măt tơngai l^k dà lơgar.

Cau cih mờ yal tơng^t Ndong Brawl