VOV4.K’ho – Măng Mrai là dùl xã tiah nhàr dà lơgar bơh kơnhoàl Sa Thầy, càr Kontum dê. Tàm ù tiah do, 20 nam do, ală cau ling bơh Kong ti TNHH MTV 78, Binh đoàn 15 gam lơh ngan bal mờ làng bol bơtàu tơnguh lơh sa, sền gàr dà lơgar, sền gàr ngap lơngai. Xã tiah nhàr dà lơgar r[ah gam ngai sơlơ tam gơl pa:

{òn Le, xã tiah nhàr dà lơgar Măng Mrai, kơnhoàl Sa Thầy, càr Kontum là tiah ơm kis jo\ rài bơh làng bol kòn cau R’Mâm dê, dùl tàm ală kòn cau êt cau ngan rlau jơh lơgar he. {òn geh 100 hìu nhă làng bol mờ mờr 400 nă cau. Ồng A Dói, cau atbồ [òn pà git, lài do làng bol tàm [òn uă ngan kis kơnờm tàm broă mus pès, chu lơh mìr tùc tam mờ ting mòc phan tàm brê, rài kis kal ke ngan, jơ gloh tàm kàl puh pah sùm gơlik geh.

Rlau 15 nam do, kờp bơh tu\ cau ling Kong ti 78, Binh đoàn 15 rê tàm xã, làng bol neh hời rơhời tam gơl broă lơh sa, rài kis. Uă hìu nhă neh git tam kau su mờ lơh kong nhân tàm kong ti, kơnờm bơh hơ\, rài kis bơtàu tơnguh, ờ gam kơlôi rơcang jơgloh r[ah bè lài do tai. Ồng A Dói pà git:

“Bơh tu\ geh cau ling rê tus ndo, làng bol tàm [òn chờ hờp ngan, rài kis geh bơtàu tơnguh. Tu\ do den làng bol neh wă, neh git broă lơh sa, phe, tơngời geh jơh, hơ\sồng gam tam geh kau su tai. Khà priă tac kau su tu\ do bulah lơyah, mơya a` sùm tơngkah làng bol, pal gàr niam suơn chi neh tam ơm kơp khà priă gơguh jơnhua, ală cau lơh kong nhân den pal lơh ngan lơh broă tàm kong ti.”

Bal mờ làng bol kòn cau ơm kis bơh jo\ tàm [òn lơgar, rài kis bơh ală kong nhân tus xã tiah nhàr dà lơgar Măng Mrai jat rơndap broă bơtàu tơnguh lơh sa tàm tiah nhàr dà lơgar bơh Bộ Quốc phòng dê kung neh kơ\ kơljap. Bi Lê Văn Lĩnh, kong nhân mpồl lơh broă sồ 5, Kong ti 78 pà git, bi geh deh bơh dùl hìu nhă r[ah kal ke, tus lơh kong nhân tàm xã tiah nhàr dà lơgar Măng MơRai bơh ală ngai sơn rờp crơng gơs kong ti, pa rơp 20 sơnam mờ ờ hềt geh bau. Tus tu\ do, bi neh bau, geh dùl nă kòn ùr neh jơh bơsram ơdu\ 4 mờ rài kis neh kơ\ kơljap:

“A` tus lơh kong nhân nam 1999, lơh broă tus tu\ do neh 16 nam. Đềt mềr mờ kong ti 16 nam, tus tu\ do rài kis neh kơ\ kơljap. Lơh broă tam kau su, lơh kong nhân còr bơ sơt pal guh mang, đơs bal là kung bòl glar mơya đềt mềr jo\ bè hơ\, a` kung gam kơp kờ` đềt mềr jo\ jòng tai.”

Xã tiah nhàr dà lơgar Măng Mrai là tiah pôs đồng kac màng tàm rài tam lơh dră wơl bol sò tơm Mỹ. Xã neh 2 dơ\ geh pà khà jờng Mpồl ling khin cha jak chài làng bol. Bơhiàn kac màng hơ\ kung gam geh gàr tus ngai do, ală mpồl ling, làng bol ală kòn cau tàm xã sùm pơgồp  bal bơta pràn ai ală jơnau kờ` lơh sa bal mờ sền gàr dà lơgar, sền gàr ngap lơngai.

Mờ bơta lơh ngan hơ\ bal mờ bơta ù tiah niam, cồng nha lơh geh bơh suơn kau su tàm xã tiah nhàr dà lơgar Măng Mrai sùm uă ngan rlau jơh tàm Tây Nguyên mờ cồng nha lơh geh bơh Kong ti 78 dê sùm uă ngan rlau jơh tàm Binh đoàn 15. Ală broă lơh tàm broă lơh sa, kă bro ndrờm geh sền gròi mờ sùm geh mblàng lơh jat bơh kuang đơng lam bồ kong ti tus ală mpồl lơh sa broă mờ kong nhân. Đại uý Hà Duy Trưởng, atbồ mpồl lơh broă sồ 5, kong ti TNHH MTV 78 pà git:

“Tus tu\ do, mpồl neh còr bơsơt kau su di 10 nam. Bơh 10 nam còr bơsơt, khà lơh geh bơh mpồl dê geh rlau 2 rbô 100 ki\ bơsơt kau su ra` tàm 1 nam. Nàng lơh geh cồng nha jơnhua bè hơ\, den bơta kuơ màng là broă lơh kỹ thuật. Mờ tàm broă lơh kỹ thuật kuơ màng den bơta gơ rềng tus cồng nha lơh broă là chài cau còr bơsơt dê. Bol a` pal sùm bơto bơtê nàng tơnguh jơnhua bơta chài lơh broă bơh cau còr bơsơt dê. Hơ\sồng tàm kỹ thuật den pal lơh jat niam jơnau sồr bè kỹ thuật, lơh bè lơi gơ in di kàl den hơ\sồng suơn chi gơs niam.”

Xã tiah nhàr dà lơgar khin cha jak chài Măng Mrai gam ngai sơlơ tam gơl. Ală suơn chi công nghiệp hời rơhời glòm tơlir tàm ù tiah nhàr dà lơgar mờ rài kis bơh ală [òn gam hời rơhời bơtàu tơnguh.

                                                            Cau cih mờ yal tơnggit K’Duẩn