VOV4.K’ho- Tơnơ\ dùl tu\ tơngai gơtìp kòp kơ` jơ\, să jan lơbơn ngan, ngai 13/1/2018, Cau khin cha jak chài Mpồl ling klàng phàu crong làng bol, Thiếu tướng Y Blốk Êban, cau kuang ling jăk chài Tây Nguyên dê neh chơ\t, kis jo\ 97 nam tàm hìu is [òn 5, sơnah [òn Tân Hoà, [òn dờng Buôn Ma Thuột, càr Daklak.

Kah kơlôi tus dà kơlhề bơh cau kuang ling bơh sơnrờp tàm ală [òn lơgar ală jơi bơtiàn kòn cau Tây Nguyên dê gơ wèt tus mờ broă lơh tam lơh ai geh bơta lơngăp lơngai khat gơboh is jơi bơtiàn in, bol he iat bol a` yal bè rài kis mờ broă lơh kăc mạng bơh ồng Y Blôk Êban dê, dùl bơta chờ hờp ngan bơh Tây Nguyên dê.

Thiếu tướng Y Blôk Êban deh nam 1921, tàm [òn Chư\ Dluê, xã Hoà Xuân, thị xã Buôn Ma Thuột, tu\ do là [òn dờng Buôn Ma Thuột, càr Daklak tàm dùl hìu bơnhă geh 7 nă oh mi.

Kuang đơng lam bồ Tỉnh ủy, Hội đồng Nhân dân, UBND, mpồl ling klàng càr Daklak iês [ồc Thiếu tướng Y Blôk Êban, cau khin cha jak chài mpồl phàu crong làng bol

Là kòn klau pu\t, Y Blôk Êban ko\ng uă ngan siău siar tu\ rơ\p 2 sơnam neh gơtìp kòn đời bèp. Hìu r[ah, Y Blôk Êban pal lòt lơh broă apah. Nam 15 sơnam, tơnơ\ tu\ jơh bơsram kấp một, Y Blôk Êban gơtìp rồn bơklơn lòt ling bol sò tơm Tây lơh broă kai hìu jàm tàm hìu jàm Buôn Ma Thuột.

Tàm hìu jàm Buôn Ma Thuột, Y Blôk Êban geh tam tìp mờ bàr pe nă cau jàm chính trị mờ geh yal, git wa\ bồ tơngoh kăc mạng. Ngai 22/8/1945, Y Blôk Êban neh lam bồ trung đội ling bol sò tơm Tây tam gơl dơ\ chàu cờ bơh Trần Trọng Kim dê bơh phát xít Nhờk crơng gơs gơ gơs dơ\ pơrjum dong kờl kăc mạng mờ ai geh bơta gơnoar atbồ gơ rê tàm tê làng bol dê.

Broă lơh khin cha ngan bơh Y Blôk Êban dê bơh bơta đơng lam bơh Mpồl đơng lam ing càr Daklak dê neh lơh gơnoar atbồ bơh ồng Trần Trọng Kim dê ờ than dră wơl. Dơ\ tam lơh pha lin bơh sơnrờp do neh lam Y Blôk Êban mu\t lơh broă tơn tàm mpồl kăc mạng. Ồng geh lơh broă tàm Ủy ban ing càr Daklak dê.

          Thiếu tướng Y Blôk Êban bal mờ pơ ùr kal wơl kir sơnrai 5 dơ\ geh tìp Bác Hồ

                                                (rùp cùp nam 2009)

Nam 1954, ồng geh sồr lòt tus tiah đah tô dà lơgar mờ tìp mat mờ Bác Hộ, Đại tướng Võ Nguyên Giáp, geh bơto tai bè bồ tơngoh kăc mạng, uă ngan là nùs nhơm tam klac dờng jơi bơtiàn. Nam 1958, ồng geh tơnguh grăt Thượng tá.

Nam 1960, ồng rê wơl Tây Nguyên at gơnoar broă Phó Tư lệnh hơ\ sồng atbồ ing Tư lệnh Quân khu VI. Là cau lam bồ lam lòt tam lơh tàm làm gùt tiah tam lơh, ồng neh lơh bol sò tơm in tu\ kơno tus mat Y Blôk Êban gơlơh rơngòt ngan mờ kung sền ngềr ngan sơl.

Nam 1974, ồng geh tơnguh grăt Đại tá, at gơnoar broă Chủ tịch Ủy ban quân quản càr Daklak. Tus nhai 1/1975, Bộ Chính trị mờ Quân ủy Dà lơgar geh kơrnoat rwah Buôn Ma Thuột lơh tiah tờm ngan bơh dơ\ tam lơh Tây Nguyên dê.

             Làng bol ală kòn cau kah nđàc cau kuang ling ndu gơnrơh bơh Tây Nguyên dê

Di 2 jơ 3 phuk àng drim gờ` ngai 10/3/1975, bal mờ ală mpồl ling, Y Blôk Êban đơng lam ling klàng mờ làng bol ală kòn cau càr Daklak guh ntàu ìa phàu lòt tam lơh tàm thị xã Buôn Ma Thuột.

Tus 10 jiơ ngai 11/3/1975, ling he neh atbồ jơh thị xã do. Tam lơh pha lin do neh lơh geh bơta tam gơl kuơmàng sơnđờm ai dơ\ tam lơh tơngklàs Tây Nguyên mờ tơngklàs jơh gùt ù tiah đah jum, tơrgùm dùl dà lơgar.

Nam 1975, ồng Y Blôk Êban là Chủ tịch Ủy ban quân quản càr Daklak mờ pơn jat hơ\ at gơnoar broă Chủ tịch Ủy ban Nhân dân càr Daklak. Là cau kòn bơh làng bol kòn cau Rơđê dê, ồng Y Blôk Êban bal mờ ală cau lòt ling bal bơh he dê neh hòi jà làng bol Tây Nguyên sùm pin dờn lòt jat Đảng, jat kăc mạng.

Nam 1982, ồng Y Blôk Êban geh tơnguh grăt Thiếu tướng, là cau kuang ling bơh sơnrờp bơh ală jơi bơtiàn kòn cau tàm Tây Nguyên dê.

Nam 1986, ồng tus wơl lơh broă tàm mpồl ling, gơ wèt Tổng cục Chính trị tus dì ngai jơh sơnam lơh broă tơn. Ồng kung là kuang bàng Quốc hội ală khoá III mờ IV.

Tơnơ\ dùl tu\ tơngai gơtìp kòp kơ` jơ\, bulah geh sền gàr sơm kòp jơh nùs ngan, mơya tài bơh sơnam dờng, să jan ờ pràn tai, ồng neh chơ\t tàm hìu is tàm àng drim gờ` ngai 13/1/2018, kis jo\ 97 nam.

Ồng sùm sùm là bơta chờ hờp bơh brê bơnơm dờng ơning ơnàng Tây Nguyên dê.

   Cau cih mờ yal tơngit - Lơ Mu K’Yến