VOV4.K’ho- Drim ngai 11/7, mpồl lơh broă bơh Bộ Y tế bơh Thứ trưởng ồng Đỗ Xuân Tuyên lơh Kuang đơng lam bồ mpồl neh geh dơ̆ lơh broă mờ Mpồl đơng lam rcang sơndră kòp Covid-19 càr Dak Lak bè broă lơh rcang sơndră kòp Covid-19 tàm ù tiah càr dê. Kờp tus ngai 11/7, càr Dak Lak neh geh 7 nă cau kòp Covid-19, tàm hơ̆ geh 4 nă cau kòp neh bời kòp. Ală cau kòp tàm Dak Lak geh gơrềng tus ală tiah kòp tàm Đà Nẵng, Bắc Ninh mờ ƀòn dờng Hồ Chí Minh. Dak Lak gam ai ơm yah ngài tàm hìu sơnơm, ai ơm yah ngài tơrgùm bal 139 nă cau, ai ơm yah ngài tàm hìu mờr 9 rơbô nă cau.  Bè bơta pràn jòi gĭt tiah lòt rê, tŭ do Dak Lak neh crơng gơs 280 mpồl lơh broă rcang sơndră kòp bơtờp ală kấp.

Thứ trưởng Bộ Y tế lơh broă tàm càr Dak Lak bè broă lơh rcang sơndră kòp Covid-19

Đơs tàm dơ̆ lơh broă, Thứ trưởng Bộ Y tế ồng Đỗ Xuân Tuyên đơs niam ngan broă lơh rcang sơndră kòp bơh càr Dak Lak dê tàm tơngai do; tơngkah càr tơrgùm ală mpồl cau, kuơ màng ngan mờ cau lơh broă, phan bơna, sơnơm tơm ba rcang lài sơndră mờ ală bơta gơlik geh kal ke bơh kòp dê digơlan gơlik geh tàm tơngai tus.

Cau mblàng K’Hạnh