VOV4.K’ho-Ngai 09/5, ồng Phạm Minh Chính Thủ tướng Chính phủ neh lòt sền ƀroă lơh rcang sơndtă kòp tàm ală càr tàm tiah nhàr lơgar tiah đah Jum mat tơngai mut mờ bơyai lơh pơrjum pờ tơlik tơn tàm internet jal mhar bơh anih lơh broă Ủy ban Nhân dân càr An Giang mờ Mpồl đơng lam dà lơgar rcang sơndră kòp Covid-19, bàr pe bộ, sơnah lơh broă dà lơgar mờ Kuang đơng lam bồ 6 càr tiah nhàr lơgar tiah đah Jum mat tơngai mut dê. Tàm 10 ngai pa do gùt lơgar neh geh 257 nă cau bơtờp kòp Covid-19 tàm mpồl bơtiàn. Bơh broă sền gròi pà gŏ, uă càr gam sền ờ sơ̆p, ờ rcang sền ngăc tŭ ờ hềt geh kòp tàm ù tiah do dê, mơya tus dì tŭ kòp bơtờp den nrơ̆t ndơl, lơh jat uă broă lơh gơ lơh ir.

Đơs pơn dŭt tàm dơ̆ pơrjum, ồng Phạm Minh Chính Thủ tướng Chính phủ đơs ngan dilah kòp gơlik geh tàm uă tiah tàm gùt lơgar geh gơrềng tus bơta kơ̆ kơl jap chính trị, pràn kơl dang să jan làng bol dê, dơ̆ tĕ khà Kuang bàng Quốc hội mờ Kuang bàng Hội đồng Nhân dân ală kấp, broă tơn jơh nam bơrsam 2020-2021 mờ jơnau gơ lời wơl digơlan ờ gơtùi gĭt lài. Den tàng, ală tiah, anih lơh broă, mpồl lơh broă pơn jat tai rcang sơndră kòp, bơsong jơnau gơ lời wơl, gàr kơ̆ bơta lơngap lơngai chính trị, rơndap tap sèng jơh gùt mpồl bơtiàn mờ bồ tơngoh đơng lam “Sơr băc mhar, sơr băc mhar rlau tai; lơh ngan, lơh ngan rlau tai; kràñ cê; kràñ cê uă rlau tai; cồng nha, cồng nha rlau tai; jai pha, jai pha rlau tai”.

Cau mblàng K’Hạnh