VOV4.K’ho- Thủ tướng Chính phủ neh ai tơlik Kơrnuat sồ 1163 ring bal broă rơndap lơh bơtàu tơnguh kă bro tàm lơgar tơngai tus nam 2030, broă wèt sền tus nam 2045. Jơnau kờñ bal bơh broă rơndap lơh dê là “Bơtàu tơnguh kă bro tàm lơgar tam gơl pa, ngac ngar, gơguh mhar mờ kơ̆ kơljap, là bơnàng dong kờl, anih kơldìng kơ̆ kơljap ai broă lơh sa tàm lơgar ngai sơlơ tam gơl pa, bơtàu tơnguh in; bơt bơtàu mat kă bro phan bơna Việt Nam, sền gàr bơta kuơ bơh cau ngui sa, mpồl lơh sa kă bro tàm lơgar mờ bơh rài lơh sa dê, lơh jat jơnau kờñ ngai sơlơ uă bè bơtàu tơnguh lơh sa mpồl bơtiàn, lơh gơlik bơnàng jă kơ̆ kơljap nàng tus bal mut gơ rờm bal jrô ơnàng rlau tàm lơh sa ală lơgar rềp bal mờ dunia”.

Jơnau kờñ mùl màl tơngai bơh nam 2021 tus nam 2030: Khà gơguh bơta kuơ gơguh uă kă bro tàm lơgar geh pơgap bơh 9 tus 9,5% tàm 1 nam, tus nam 2030 tă pơgồp pơgap bơh 15 tus 15,5% tàm GDP gùt lơgar; priă lơh geh bơh kă bro điện tử geh pơgap bơh 10,5 tus 11% kờp jơh khà tac rah rài phan bơna mờ priă lơh geh broă drơng ala ngui sa, lơh geh khà gơguh kờp bal geh pơgap bơh 20 tus 21% tàm dùl nam.

Cau mblàng K’Duẩn