VOV4.K’ho- Di dơ̆ lòt còp mờ lơh broă mờ càr Cao Bằng, tus bal Ngai chờ tam klac dờng gùt jơi bơtiàn, Thủ tướng Phạm Minh Chính neh lòt còp mờ boh bơr mờ kuang bàng, cau ling, làng bol kơnhoàl Trùng Khánh, càr Cao Bằng. Thủ tướng đơs nền: bulah Trùng Khánh là dùl kơnhoàl tiah kơh bơnơm, tiah nhàr dà lơgar ngài ngan, broă lơh sa mờ rài kis làng bol gam uă kal ke, mơya mờ bơta đơng lam bơh Đảng bộ, gơnoar atbồ tàm ƀòn lơgar mờ bơta lơh ngan brồ guh bơh làng bol ală jơi bơtiàn kòn cau oh mi dê, broă lơh sa mpồl bơtiàn neh lơh geh uă cồng nha pal pơn jờng ngan.

Thủ tướng boh bơr mờ kuang bàng, ling sền gàr tiah nhàr dà lơgar, kuang àng mờ làng bol kơnhoàl Trùng Khánh, càr Cao Bằng

Thủ tướng sồr kơnhoàl Trùng Khánh pơn jat tai pơlam lơh jat làm uă, lam lơh jat jơh nùs, geh cồng nha Nghị quyết pơrjum dờng dơ̆ 13 bơh Đảng dê, Nghị quyết pơrjum Đảng bộ càr dơ̆ 19, Nghị quyết Đảng bộ kơnhoàl dơ̆ 20 bè bơtàu tơnguh lơh sa mpồl bơtiàn, sền gàr dà lơgar, sền gàr lơngap lơngai, lơh broă mờ lơgar ndai mờ bơt bơtàu mpồl lơh broă chính trị.

Cau mblàng K’Duẩn