VOV4.K’ho- Drim ngai 29/8, ồng Phạm Minh Chính- Thủ tướng Chính phủ, Kuang atbồ Mpồl đơng lam dà lơgar rcang sơndră kòp Covid-19 neh đơng lam pơrjum pờ tơlik tơn tàm internet Mpồl đơng lam dà lơgar rcang sơndră kòp Covid-19 mờ 20 càr, ƀòn dờng  gơwèt dà lơgar, 209 quận, kơnhoàl, thị xã mờ 1 rơbô 060 xã, sơnah ƀòn, thị trấn, nàng sồr lơh jat niam broă lơh jat ală Công điện bơh Thủ tướng Chính phủ mờ bàr pe broă lơh tờm tàm broă lơh rcang sơndră kòp.

Pơrjum pờ tơlik tơn tàm internet Mpồl đơng lam dà lơgar rcang sơndră kòp Covid-19

Đơs pơn dŭt dơ̆ pơrjum, ồng Phạm Minh Chính đơs sùm, jơnau kờñ uă ngan rlau jơh tŭ do là kơryan kòp gờñ, mhar mờ geh cồng nha jat tàm Nghị quyết sồ 86 bơh Chính phủ dê. Càr lơi ờ hềt lơh geh jơnau kờñ geh ai tàm Nghị quyết den pal sền sơwì is, sền tìs di, mblàng lơh loh jơnau bơh tài gơbàn, ngan là jơnau gơbàn bơh broă ờ rcang sền ngăc bơh mpồl cau, cau dùl nă să is dê, bơh hơ̆ ai jơnau mờng chài tàm broă đơng lam, sồr lơh. Thủ tướng đơs là, bol he neh sang lơh sa- mpồl bơtiàn tàm broă ai ơm yah ngài, lơh jat niam broă ờ lik bơh tàm hìu, cau lơi ơm tiah lơi den ơm mŏ tềng hơ̆ den pal tam pơ gơl wơl là pal gròi sền jai bơta kòp.

Cau mblàng K’Hạnh