VOV4.K’ho- Ngai 30/7, Thủ tướng Chính phủ ồng Phạm Minh Chính đơng lam Pơrjum pờ tơn tàm internet đah Chính phủ mờ ală càr, ƀòn dờng bè broă rơcang sơndră kòp Covid-19 mờ rơndap broă lam lơh jat ală tơngume, kơnòl broă geh Quốc hội khóa XV lơh nền tàm Pơrjum dơ̆ dùl gơ rềng tus broă lơh rơcang sơndră kòp Covid-19.

Thủ tướng Chính phủ ồng Phạm Minh Chính pà git, dơ̆ bơtờp kòp Covid-19 dơ̆ 4 do neh lòt gan mờr 100 ngai; broă gơlik geh bơh kòp dê kung gam kal ke ngan, ngan là tàm ƀòn dờng Hồ Chí Minh; 2, 3 càr tiah đah jum dà lơgar mờ tiah tàm gùl lơgar. Tơngai lài, bal mờ bơta đơng lam, pơlam bơh Đảng dê, Quốc hội neh lơh broă kràñ cê, ngan ngồn gơwèt tus mờ broă sơndră mờ kòp Covid-19. Thủ tướng Chính phủ sồr ală kuang bàng tus bal pơrjum tơrgùm cribơyai bè broă rơcang sơndră kòp Covi-19; bơh hơ̆, Chính phủ geh Nghị quyết bè broă lam lơh ală broă lơh jal mhar rơcang sơndră kòp Covid-19.

Cau mblàng K’Duẩn