VOV4.K’ho- Tềng đap broă gơlik geh kal ke bơh kòp Covid-19 dê tàm ƀòn dờng Hồ Chí Minh mờ ală càr kuơmàng tiah đah jum dà lơgar, drim ngai 15/7, Thủ tướng Chính phủ ồng Phạm Minh Chính neh đơng lam pơrjum pờ tơn tàm internet Thường trực Chính phủ mờ 27 càr, ƀòn dờng tiah đah jum dà lơgar bè broă lơh rơcang sơndră kòp Covid-19.

Tàm pơrjum, Thủ tướng Chính phủ sồr ală kuang bàng tơrgùm cribơyai, sền sơ wì nền nòn broă gơlik geh bơh kòp Covid-19 dê tŭ do mờ đơs lài broă gơlik geh tàm tơngai mờr tus; cồng nha, bơta ờ niam tàm broă lam lơh ală kơnòl broă, broă lơh tàm tơngai lài mờ jơnau bơh tài bơh ală cồng nha, bơta ờ niam dê; đơs tus ală jơnau bơsram geh, bơta mờng chài mờ ală jơnau sồr, jơnau dan, ală kơnoàl broă, broă lơh pal lam lơh tàm tơngai tus, ngan là bè broă lơh đơng lam, lam lơh jat, bơta pơgồp bal đah ală gah broă lơh, ală tiah nàng broă lơh rơcang sơndră kòp Covid-19 geh cồng nha rlau, jat nùs nhơm sền gàr pràn kơldang să jan là lài ngan rlau jơh.

Cau mblàng K’Duẩn