VOV4.K’ho- Thủ tướng Chính phủ pa ki\ rơndăp broă lơh rơndăp tăp sèng wơl bơcri priă dà lơgar tơngai bơh nam 2017- 2020 mờ wèt tus nam 2025, kờ` tam gơl mờ crơng gơs rơndăp tăp sèng bơcri priă dipal, tơnguh jơnhoa cồng nha lơh sa- mpồl bơtiàn bơh bơcri priă dà lơgar dê mờ bơta niam gùng dà broă lơh kơrnoat boh lam atbồ bơcri priă dà lơgar; gơhòi gơ jà uă ngan mờ ngui geh cồng nha ală bơnah priă bơcri bơtàu tơnguh, bơcri priă lơh ală phan bơna lơh sa, mpồl bơtiàn kuơmàng.

Jơnau kờ` bơh rơndăp broă lơh do dê là lam lơh jat geh cồng nha broă rơndăp lơh bơcri priă dà lơgar di mơ tơngai gơ jat bal mờ broă rơndăp lơh priă jền di mơ tơngai mờ broă rơndăp lơh càn, tơm dồs priă dà lơgar; lơh ngan geh khà ai càn priă bơcri priă dà lơgar pah nam rlau 90%; pơn jat tai tam gơl pa, lơh gơs ală gùng dà broă lơh kơrnoat boh lam atbồ bơcri priă dà lơgar tàm jơh ală broă bơh broă lơh atbồ bơcri priă dà lơgar dê, tơnguh jơnhoa cồng nha mờ bơta kơ\ kơl jăp jo\ jòng bơh bơcri priă dà lơgar dê.

Cau cih mờ yal tơngit- Lơ Mu K’Yến