VOV4.K’ho - Thủ tướng Chính phủ neh tơlik kơrnoăt bè broă lơh kĭ broă tơnguh bơtàu kă bro tiah kơh bơnơm, tiah ngài mờ tiah bồt dà lềng tơngai bơh nam 2021 tus 2025.

Jăt broă lơh neh geh ai tơlĭk ờ uă gùng dà broă lơh tơnguh bơtàu, bè lơh broă lơh tơnguh bơtàu kă bro jăt broă kă bro tàm xã, thị trấn; bơyai lơh mpồl kă bro jăt gah broă phan geh lơh bơh broă lơh sa suơn sre, phan lơh broă sa suơn sre di pal mờ bơta geh bơh broă lơh sa mpồl bơtiàn tiah kơh bơnơm; tơnguh bơtàu drà kă bro phan geh lơh bơh broă lơh sa suơn sre tàm tiah lơh sa tơrgùm bal; lam sồr tơnguh bơtàu ală bơta broă kă bro cau dùl nă să lơh is, hìu kă bro. Broă Thủ tướng Chính phủ kĭ broă lơh tơnguh bơtàu kă bro tiah kơh bơnơm, tiah ngài mờ tiah bồt dà lềng tơngai bơh nam 2021 tus 2025 là geh kuơ, tơlĭk broă sền gròi bơh Đảng mờ Chính phủ gơwèt mờ tiah kal ke dê.

Cau mblàng Ndong Brawl