VOV4.K’ho- Thủ tướng Chính phủ pa kĭ tơlik Nghị quyết sồ 9 ngai 18/5/2021 bè broă blơi sơnơm vaccine rơcang sơndră kòp Covid-19. Tàm Nghị quyết, Chính phủ jàu Bộ Y tế mhar lam lơh broă blơi sơnơm vaccine dùl bă mhar ngan rlau jơh nàng gơtùi lam lơh cit sơnơm vaccine tàm uă tiah ai làng bol in. Lài hơ̆, Thủ tướng Chính phủ ồng Phạm Minh Chính neh uă dơ̆ đơs nền, tềng đap ală broă gơlik geh pa bơh kòp bơtờp dê, broă lơh rơcang sơndră kòp pal pơn jat tai tam gơl bơta geh ngan, pơgồp bal ring niam, dipal, geh cồng nha đah bơta rơcang gàr mờ kơryan, lơh jat geh cồng nha broă rơndap lơh “5K pơgồp bal mờ sơnơm vaccine”.

Chính phủ jàu Bộ Y tế mhar bơyai lơh broă blơi sơnơm vaccine dùl bă mhar ngan rlau jơh nàng lam lơh cit sơnơm vaccine tàm uă tiah ai làng bol. Thủ tướng Chính phủ  kràñ cê lơh jat geh cồng nha broă rơndap lơh sơnơm vaccnine, mùl màl là tơnguh mhar rlau tai broă blơi, blơi bơh lơgar ndai ală khà sơnơm vaccine jat di jơnau đơng lam bơh Thủ tướng Chính phủ dê; dờp tàm jàu công nghệ, tơnguh mhar broă kơlôi sơnơng mờ lơh gơlik sơnơm vaccine tàm lơgar, bơyai lơh cit sơnơm vaccine gơ in geh cồng nha, rơcang sơndră lài bơta ờ niam mờ mblàng loh làng tŭ gơlik geh bơta ờ niam.

Cau mblàng K’Duẩn