VOV4.K’ho- Mho ngai 21/6, ồng Phạm Minh Chính Thủ tướng Chính phủ đơng lam pơrjum pờ tơlik tơn tàm internet mờ 32 tiah bè broă lơh rcang sơndră kòp Covid-19. Do là ală tiah gam geh kòp halà geh ală tiah lơh sa mờ măy mok, tiah lơh gơlik phan uă.

Thủ tướng Chính phủ đơs, bơta kòp pơn jat tai gơlik geh kal ke, ờ gơtùi gĭt lài, kal ke ngan gĭt lài. Dùl dơ̆ tai, Thủ tướng tơngkah wơl, kòp digơlan bơtờp wơl khat dùl tŭ lơi, tiah lơi den bañ sền ờ sơ̆p mờ ờ rcang sền ngăc. Dơ̆ do, ală anih lơh broă chính trị tàm kơnă hơđơm pal mut lơh ngan kràñ cê jơh nùs rlau tai, ngan là đơs ngan, pal gĭt loh ală tiah. Atbồ cau tàm ù tiah, pơgồp bal niam rlau tai, Kuang bàng, ling klàng, ală mpồl lơh broă ờs drơng broă nàng lơh niam broă lơh sền gàr, ai ơm yah ngài, sền gàr bơta lơngap lơngai, rơndap tap sèng, ờ do ờdă, làng bol iang nùs. Thủ tướng đơs ngan, jơnau kờñ dơ̆ lĕ bal là kal ke ngan. Mơya kal ke kung pal lơh, sơr lèt gan nàng đơs ngan să jan, geh tai bơta mờng chài đơng lam bồ. Sền gĭt bơta geh ngan, yal tơngĭt lài niam ală bơta ai tơlik ală jơnau lơh nền di pal, geh cồng nha, cèng wơl bơta pin dờn ai làng bol in, ai tơlik gùng dà broă lơh kơnòl broă geh cồng nha geh bơta di pal.

Cau mblàng K’Hạnh