VOV4.K’ho - Mang ngai 13 nhai 11, tàm hìu pơrjum dunia Suntec, lơgar Singapore, Thủ tướng Chính phủ Nguyễn Xuân Phúc bal mờ ală kuang bàng đơng lam mpồl ASEAN tus pơrjum dờng ASEAN dơ\ 33.

Ală kuang bàng đơng lam mpồl ASEAN đơs là, nam 2018, broă lơh bal mờ pơgồp bal mpồl ASEAN neh geh broă tơnguh bơtàu niam. Tàm nùs nhơm bơ\t bơtàu 1 ASEAN pràn is bơceh pa, ASEAN pơn jăt tai gàr gơnoar tòm, gơguh mờ tơnguh cồng nha ală cơ chế cri bơyai mờ lơh broă bal, pơgồp bal ai broă lơngăp lơngai, ring niam tàm tiah do, mờ geh ală cồng nha kuơ màng tàm broă lơh jăt broă bơ\t bơtàu mpồl bơtiàn.

Ală lơgar ring bal mpồl ASEAN pal pơn jăt tai lơh ngan bơ\t bơtàu tiah geh [ươn ai ală broă lơh ngan cri bơyai, lơh broă bal mờ bơ\t bơtàu nùs nhơm pin dờn, tàm hơ\ geh cri bơyai COC geh cồng nha mờ mùl màl, bơsong bơta lơngăp lơngai ală broă tam phà geh ai bơh tàm adăt dunia mờ Công ước bơh Liên Hợp Quốc bè adăt dà lềng nam 1982 ((UNCLOS 1982), ndrờm bal mờ broă lơh jăt tơl mờ geh cồng nha jơnau yal bơr bè broă lơh bơh ală gah tàm dà lềng đah măt tơngai l^k (DOC).

Đơs tàm pơrjum, ồng Nguyễn Xuân Phúc neh tam pà ală jơnau bơceh pa bơh lơgar Việt Nam dê bè broă pơgồp bal bơta geh dữ liệu số, di pal khà priă, lơh hìu bơsram đại học công nghệ ASEAN mờ lơh anih yal tơng^t gờ` rềs àr tàm tiah do.

Cau mblàng Ndong Brawl