VOV4.K’ho- Di dơ\ lòt Pơrjum Kuang bàng dờng màng dơ\ pe Ủy hội dà dờng Mekong dunia tàm Siêm Riệp, lơgar Campuchia, mho òr 4/4, ồng Nguyễn Xuân Phúc, Thủ tướng Chính phủ neh geh dơ\ tìp mat 2 gah mờ ồng Samdech Hun Sen, Thủ tướng lơgar Campuchia.

Bàr gah kung neh dùl nùs bal lơh sùm ală dơ\ lòt còp đah kuang bàng dờng màng; pơgồp bal bơyai lơh niam dơ\ pơrjum 16 Ủy ban tàm bơrlu\ bal Việt Nam mờ Campuchia bè lơh broă bal lơh sa, niam chài, khoa học kỹ thuật tàm Hà Nội bơh ngai 16-18/5/2018.

Bàr gah cribơyai ală broă mờ bàr lơgar ndrờm sền gròi, tàm hơ\ geh broă tiah nhàr lơgar, cau Việt Nam tàm lơgar Campuchia…; jờng rơ ală broă lơh ngan bơh Ủy ban lơh broă bal wah ù tiah sơn tơ\p jrong nhàr lơgar tàm ù gờl đah bàr lơgar dê neh lơh geh uă ngan broă tàm tơngai lài mờ kơ\p kờ` bàr gah lơh jơh broă do tàm tơngai gờ` ngan rlau jơh.

Bàr gah kung dùl nùs bal pơgồp bal bơsong ală broă gơrềng tus ù tiah kơrnoat boh lam bơh cau Việt Nam tàm lơgar Campuchia dê jat tàm jơnau pal jat bơh adat boh lam lơgar Campuchia dê mờ nùs nhơm lơh bơyô bal ờs mờng bơh yau đah bàr lơgar dê.

Cau mblàng mờ yal tơngi\t- Lơ Mu K’Yến