VOV4.K’ho - Mang òr (18/11), Thủ tướng Chính phủ Nguyễn Xuân Phúc bal mờ mpồl kuang bàng dờng màng lơgar Việt Nam neh rê tus Hà Nội, tơn jơh niam bơne\ dơ\ tus pơrjum dờng màng lơh broă bal, lơh sa châu Á – Thái Bình Dương (APEC) dơ\ 26 geh bơyai lơh tàm lơgar Papua New Guinea.

Tàm 2 ngai, bơh ngai 17 tus ngai 18 nhai 11, ồng Nguyễn Xuân Phúc neh geh dơ\ lơh broă uă ngan, tàm hơ\ geh: Tus pơrjum, cri bơyai, tam pà bal jơnau đơs tàm pơrjum ndơ\p, dơ\ sào ngai lơh broă bơh ală kuang bàng đơng lam mpồl APEC, cri bơyai bơh ală kuang bàng đơng lam mpồl APEC mờ kes priă dunia (IMF), mờ kuang bàng 14 lơgar bồt Thái Bình Dương, mờ mpồl duh broă pơlam anih lơh sa kă bro mpồl APEC (ABAC) mờ geh ală dơ\ tìp, cri bơyai bal mờ Thủ tướng lơgar New Zealand, Vanuatu, Thái Lan… tàm ală dơ\ pơrjum, ồng Nguyễn Xuân Phúc neh đơs uă bè broă chồl pràn khăt gơboh kă bro mờ bơcri priă, kờ` bal mờ mpồl WTO, pơgồp bal lơh sa, tơnguh bơtàu kơl jăp, geh tơrgùm bal mờ tam gơl broă lơh sa số.

Cau mblàng Ndong Brawl