VOV4.K’ho – Mho òr (25/4), tàm Bắc Kinh, Thủ tướng Chính phủ, ồng Nguyễn Xuân Phúc bal mờ Mpồl kuang bàng dờng màng lơgar Việt Nam neh tus còp mờ boh bơr mờ ală kuang bàng, cau lơh broă Đại sứ quán lơgar Việt Nam tàm lơgar Lo.

Thủ tướng Nguyễn Xuân Phúc cih dờp mờ đơs niam ală broă lơh ngan mờ cồng nha lơh geh bơh kuang bàng, cau lơh broă Đại sứ quán dê tàm broă lam lơh jat chính sách lơh broă mờ lơgar ndai bơh Đảng mờ Dà lơgar dê, lơh niam broă lơh cribơyai mờ lơgar ndai broă lơh sa mờ sền gàr làng bol.

Thủ tướng sồr Đại sứ quán pơn jat tai bơtàu tơnguh bơhìan ờs mờng mờ ală cồng nha lơh geh, sơlơ tơnguh rlau tai git gơp lơh broă bal lơh sa, kă bro, bơcri priă đah Việt Nam mờ lơgar Lo. Pơgồp bơnah ring bal broă kă bro đah 2 lơgar, tă pơgồp uă ngan tàm broă sền gàr ngap lơngai is, gơnoar tờm ù tiah mờ tiah ơm kis ring lơngai drơng kơnòl bơtàu tơnguh lơh sa bơh dà lơgar dê.

                                                                       Cau mblàng K’Duẩn