VOV4.K’ho - Thủ tướng Chính phủ ồng Phạm Minh Chính neh geh dơ̆ cri bơyai mờ Chủ tịch Quốc hội lơgar Lào ồng Saysomphone Phomvihane gam còp mùl màl lơgar Việt Nam.

Thủ tướng ồng Phạm Minh Chính mờ Chủ tịch Quốc hội lơgar Lào ồng Saysomphone Phomvihane đơs niam broă lơh bal geh cồng nha đah lơgar Việt Nam mờ lơgar Lào tàm broă rơcang sơndră mờ kòp Covid-19 tơngai do. Bè gùng dà broă lơh bal đah bàr lơgar tàm tơngai tus, Thủ tướng Chính phủ ồng Phạm Minh Chính mờ Chủ tịch Quốc hội lơgar Lào ring bal bàr gah geh pơn jăt tai pơgồp bal nền nòn lơh geh cồng nha ală jơnau ring bal dờng, kung bè broă rơcang tơngu me ai Pơrjum dơ̆ 44 Ủy ban Chính phủ bàr lơgar Việt Nam mờ Lào tus do; pơn jăt tai lơh broă bal nền nòn tàm broă rơcang sơndră mờ kòp Covid-19; tơnguh broă lơh bal tàm broă sền gàr bơta lơngăp lơngai dà lơgar; chồl pràn, tơnguh broă lơh sa, kă bro mờ bơcri priă nàng di pal mờ broă lơh git gơ̆p bal kuơ màng đah bàr lơgar dê.

Cau mblàng Ndong Brawl