VOV4.K’ho - Mho òr (06/12), Thủ tướng Chính phủ ồng Phạm Minh Chính mờ Thủ tướng lơgar Hà Lan ồng Mark Rutte neh geh dơ̆ cri bơyai tàm điện thoại, cri bơyai ală broă chồl pràn rơlao tai broă lơh git gơ̆p tơl ală bơta đah lơgar Việt Nam mờ lơgar Hà Lan tàm tơngai tus.

Thủ tướng Chính phủ ồng Phạm Minh Chính đơs niam mờ ưn ngài broă dong kờl bơh Chính phủ lơgar Hà Lan mờ mpồl bơtiàn mpồl lơh sa kă bro lơgar Hà Lan neh dong kờl phan lơh sơnơm geh 40 tơmàn đong dong kờl lơgar ViệtNam sơrlèt mờ tơngai kal ke tài bơh kòp Covid-19 dơ̆ 4 lơh gơtìp; mờ đơs tờm, lơgar Việt Nam sùm sền kuơ broă tơnguh bơtàu broă lơh bơyô, lơh broă bal tơl ală bơta mờ lơgar Hà Lan. Thủ tướng kơ̆p kờñ lơgar Hà Lan dong kờl lơgar Việt Nam pơgồp bal mờ ală anih ơhò ơm mờ tiah lơh sa mờ măi mŏk châu Âu, dong kờl tơnguh khà phan kă bro tăc mờ lơgar bơdìh lơgar Việt Nam dê tus tàm drà kă bro châu Âu, dong kờl tơnguh khà kă bro mờ bơcri priă đah bàr lơgar gơguh mhar, pràn kơl dang mờ kơ̆ kơl jăp rơlao. Bàr Thủ tướng neh ring bal geh sùm cơ chế cri bơyai sùm kung bè ală gùng dà broă lơh bal tàm gah anih ơhò ơm dà lềng, bơto bơtê mờ bơsram, nhơl chờ...

Cau mblàng Ndong Brawl