VOV4.K’ho - Ngai òr (04/06), tàm hìu lơh broă Chính phủ, Thủ tướng Chính phủ ồng Phạm Minh Chính neh cri bơyai tàm điện thoại mờ Thủ tướng lơgar Lo ồng Lý Khắc Cường.

                   Thủ tướng Chính phủ ồng Phạm Minh Chính cri bơyai tàm điện thoại mờ Thủ tướng lơgar Lo

Tàm dơ̆ cri bơyai tàm điện thoại, bàr Thủ tướng neh cri bơyai bè uă tơngu me mùl màl pơgồp bal tàm broă tơnguh broă pin dờn bal chính trị; tam pà bal ală kal ke, bơta buơn, broă mờng chài mờ cri bơyai bal ală broă chồl pràn broă lơh git gơ̆p, lơh broă bal bơh bàr lơgar tàm tơngai tus.

Thủ tướng lơgar Lo ồng Lý Khắc Cường chờ gờm Đảng Cộng sản lơgar Việt Nam bơyai lơh geh cồng nha pơrjum dờng dơ̆ 13 bal mờ ală cồng nha mờ lơgar Việt Nam neh lơh geh tàm broă tơnguh bơtàu lơh sa mpồl bơtiàn mờ sơndră mờ kòp Covid-19; mờ đơs Đảng; Chính phủ mờ làng bol lơgar Lo sùm sền kuơ broă lơh gĭt gơ̆p mờ lơgar Việt Nam, tŭ lơi kung rơcang ai broă lơh bàr lơgar rềp bal gĭt gơ̆p đah lơgar Việt Nam mờ lơgar Lo tơnguh bơtàu jrô ơnàng, cèng geh bơta kuơ mùl màl ai làng bol bàr lơgar; kơ̆p kờñ chồl pràn ală cơ chế cri bơyai tàm dà lềng bơh bàr lơgar gờñ geh niam mùl màl, tŭ lơi kung kờñ bal mờ lơgar Việt Nam mờ ală lơgar tàm mpồl ASEAN pơn jăt tai lơh ngan nàng gờñ geh COC.

Cau mblàng Ndong Brawl