VOV4.K’ho- Mho ngai 19/7/2021, ồng Phạm Minh Chính- Thủ tướng Chính phủ neh cribơyai tàm điện thoại mờ Kuang atbồ lơgar Philipines ồng Rodrigo Duterte di dơ̆ tơngkak 45 nam ngai crơng gơs bơta gĭt gơ̆p lơh broă bal Việt Nam-Philippines (12/7).

Thủ tướng Chính phủ ồng Phạm Minh Chính cribơyai tàm điện thoại mờ Kuang atbồ lơgar Philippines

Thủ tướng Chính phủ ồng Phạm Minh Chính đơs nền Philippines sùm là lơgar lơh broă bal kuơ màng, pin dờn, tam pà bal uă bơta sền gròi mờ bơta kuơ jŏ jòng mờ Việt Nam; đơs nền bơta gĭt gơ̆p đah 2 lơgar dê neh sùm geh lơh ngan, bơtàu tơnguh sùm tàm 45 nam do kờp bơh tŭ crơng gơs bơta gĭt gơ̆p lơh broă bal. Bàr Kuang đơng lam bồ ring bal pơgồp bal niam sơlơ tơnguh bơta gĭt gơ̆p Việt Nam- Philippines tàm tơl gah, tơrgùm tàm ală broă tờm bè: lam lơh geh cồng nha broă lơh lơh broă tơngai bơh nam 2019-2024, sơlơ tơnguh cribơyai mpồl Kuang bàng, tìp mat tơm bơh bơr Kuang bàng kấp dờng màng, gờñ lam lơh ală broă lơh lơh broă bal 2 gah jat broă lơh ngăc ngar; pơn jat tai lam lơh ală broă lơh tơngkah 45 nam ngai crơng gơs bơta gĭt gơ̆p lơh broă bal; sơlơ tơnguh mờ lơh jrô ơnàng rlau tai ală broă lơh lơh broă bal sền gàr bơta lơngap lơngai- sền gàr dà lơgar, kă bro- bơcri priă; lơh geh bơta ƀuơn ƀoài mờ pơn jờng ală mpồl lơh sa kă bro 2 lơgar bơcri priă, lơh sa kă bro tàm ală gah mờ 2 gah geh bơta pràn mờ bơta ƀuơn.

Cau mblàng K’Hạnh