VOV4.K’ho- Mang ngai 12/9, tàm Hìu duh broă Chính phủ dê, Thủ tướng Chính phủ ồng Phạm Minh Chính neh đơng lam dơ̆ lam lơh Broă lơh “Gùng jun internet mờ măy tính ai oh in” jăt broă lơh pờ tơlik tơn tàm internet mờ 63 càr, ƀòn dờng.

Broă lơh nàng kờñ lơh gùng dà broă lơh dong kờl ală hìu bơsram, cau pơgru, kơnòm bơsram, cau bơsram dờng geh ngui phan bơna sồ, drơng broă jòi pờ internet ntoăt pràn ờdo ờdă, ƀươn ngui, nàng sền gàr lơh di jơnau kờñ bơto mờ bơsram tơn bơh tàm internet; hòi jà ai pà, dong kờl măy tính, ală phan ngui măy mok, bơnàng jă măy mok, drơng broă gùng jun yal jơnau yal tơngĭt ai kơnòm bơsram, cau bơsram dờng tiah sar lơgar ngài, ală hìu bơnhă rƀah, hìu mờr ndrờm bè hìu rƀah tàm ală tiah gam lơh jăt jơnau ơm yah ngài jăt Chỉ thị sồ 16 bơh Thủ tướng Chính phủ dê mờ lam lơh bơsram bơh tàm internet. Thủ tướng Chính phủ ồng Phạm Minh Chính đơs nền, dùl tàm ală kơnòl broă tờm bơh Chính phủ dê tŭ do là gờñ ai rài kis gơ rê wơl bè ờs pa jăt gùng dà gơdờp ờdo ờdă mờ kòp.

Cau mblàng Lơ Mu K’Yến