VOV4.K’ho- Drim ngai 1/7, tàm hìu lơh broă Chính phủ, ồng Phạm Minh Chính Thủ tướng Chính phủ neh đơng lam pơrjum Chính phủ ờs mờng nhai 6. Tàm dơ̆ pơrjum, Chính phủ iăt, kơno mờ cribơyai 6 jơnau yal bè ală broă, mpồl broă: bơta lơh sa- mpồl bơtiàn nhai 6 mờ 6 nhai bồ nam 2021; sền tìs di broă lơh đơng lam, sồr lơh bơh Chính phủ dê 6 nhai bồ nam 2021; Bơta lơh jat ală kơnòl broă, gùng dà broă lơh kuơ màng lơh niam wơl tiah lơh sa kă bro, tơnguh uă bơta pràn tàm pơrlòng dà lơgar 6 nhai bồ nam mờ kơnòl broă, gùng dà broă lơh kuơ màng 6 nhai lồi nam 2021; Bơta lơh jat broă lơh tơrmù, lơh bal hiă jơnau cih geh gơrềng tus broă lơh sa kă bro 6 nhai bồ nam mờ kơnòl broă, gùng dà broă lơh 6 nhai lồi nam 2021 mờ bàr pe broă kuơ màng ndai.

                                         Anih pơrjum Chính phủ ờs mờng nhai 6

Đơs tàm dơ̆ pơrjum, ồng Phạm Minh Chính Thủ tướng Chính phủ đơs nền, pơrjum dơ̆ do geh bơta kuơ màng, sền sơwì bơta lơh sa – mpồl bơtiàn, broă lơh đơng lam bơh Chính phủ dê tàm 6 nhai bồ nam mờ cribơyai ală kơnòl broă, gùng dà broă lơh ai 6 nhai lồi nam 2021. Mơkung cribơyai uă broă kuơ màng, jal mhar bè tŭ do bè rcang sơndră kòp Covid-19, tă bơsong bơta kal ke sơlơ tơnguh lơh sa kă bro.

Cau mblàng K’Hạnh