VOV4.K’ho- Dờp jơnau jà bơh Kuang đơng lam bồ mờ Chính phủ Nga dê, Thủ tướng Chính phủ ồng Phạm Minh Chính tus bal mờ đơs tàm dơ̆ cribơyai “Poh năng lượng lơgar Nga” dơ̆ 4 mờ tơngume “Năng lượng dunia: Tam gơl nàng bơtàu tơnguh” geh lơh tàm Moscow bơh ngai 13 tus ngai 15/10/2021 jat broă lơh kup rùp. Đơs tàm dơ̆ cribơyai, Thủ tướng Phạm Minh Chính ai tơnggŏ bơta chờ hờp mờ ưn ngài Kuang đơng lam bồ mờ Chính phủ lơgar Nga neh jà tus bal cribơyai geh bơngă pin dờn uă ngan do.

Thủ tướng đơs nền, Việt Nam đơs niam ngan gơnoar broă kuơmàng bơh lơgar Nga dê gơ wèt tus mờ gah năng lượng gùt plai ù, dong gàr sùm kơ̆ kơljap mờ ring bal drà kă bro năng lượng dunia. Thủ tướng pin dờn là, ală jơnau bơceh pa bơh lơgar Nga dê tàm gah năng lượng, tàm hơ̆ geh cribơyai poh năng lượng Nga dơ̆ do, neh mờ gam pơn jat tai pơgồp bơnah sơlơ tơnguh cribơyai mờ lơh broă bal đah ală lơgar mờ lơh broă bal đah dà lơgar mờ cau dùl nă să is tàm bơtàu tơnguh gah năng lượng dùl bă geh cồng nha, kơ̆ kơljap, tài bơta kuơ bal bơh ală lơgar mờ jơh gùt kòn bơnus dunia dê.

Cau mblàng K’Duẩn