VOV4.K’ho - Thủ tướng Phạm Minh Chính, Kuang atbồ Mpồl đơng lam Dà lơgar rơcang sơndră mờ kòp Covid-19 neh lơh broă pờ tơlik mờ Mpồl đơng lam pe càr Phú Thọ, Sóc Trăng, Cà Mau.

Dơ̆ lơh broă nàng sền gròi, lam sồr broă rơcang sơndră mờ kòp gơtờp, mờ iăt ală jơnau đơs pơgồp bal, yal wơl bơh ală càr dê bè kơrnoăt gơdờp ing ờ do ờ dă, ndrờm bal, gròi sền geh cồng nha kòp gơtờp. Đơs tàm dơ̆ lơh broă, Thủ tướng ồng Phạm Minh Chính sồr ală càr Phú Thọ, Sóc Trăng, Cà Mau mhar gròi sền ală tiah gơtìp kòp pa gơtìp, lơh ngan lơh jăt ală broă neh geh đơng lam ring bal bơh Dà lơgar mờ 3 bơta tờm. Thủ tướng đơs tờm, tŭ lơh jăt broă gơdờp bal ờ do ờ dă, ndrờm bal, gròi sền geh cồng nha kòp gơtờp kung gam pal lơh jăt nền nòn broă lơh “5K+Vaccine+sơm kòp+công nghệ mờ tơnguh jơnau git wă bơh làng bol”. Thủ tướng kung sồr ală tiah pal pơn jăt tai pơgồp bal nền nòn, geh cồng nha rơlao tai tàm broă jun rò ală làng bol kis bơh càr do tus càr ndai nàng gàr niam ờ do ờ dă ală broă lơh sơnơm mờ rài kis lơh broă sa mpồl bơtiàn ai làng bol in.

Cau mblàng Ndong Brawl