VOV4.K’ho- Drim ngai 27/8, ồng Phạm Minh Chính– Thủ tướng Chính phủ, Kuang atbồ Mpồl đơng lam dà lơgar rcang sơndră kòp Covid-19 bal mờ mpồl lơh broă bơh Chính phủ dê neh tus còp, pơn dờm pơnđiang Đảng bộ, gơnoar atbồ mờ làng bol càr Bình Dương, lòt sền, đơng lam broă lơh rcang sơndră kòp jat nùs nhơm lòt tơn tàm tiah kòp, sền gŏ tơn mờ mat mờ kơno tơn broă sơndră kòp mờ gàr niam rài kis bơh làng bol xã, sơnah ƀòn dê.

Dơ̆ lòt còp nàng kờñ sền sơ wì bơh sơn rờp broă lam lơh sơlơ tơnguh ai ơm yah ngài mpồl bơtiàn mờ ală broă lơh rcang sơndră kòp Covid-19 tàm ù tiah Bình Dương dê kờp bơh ngai 23/8, tàm hơ̆ tơrgùm lòt sền, gròi sền, sơlơ tơnguh, pơndờm pơnđiang ală anih lơh broă, xã, sơnah ƀòn tàm broă sơndră kòp. Tơnơ̆ tŭ lòt sền, sền sơwì tàm ală anih lơh broă lam lài sơndră kòp mờ ală tiah kơnă xã, sơnah ƀòn, Thủ tướng neh geh dơ̆ lơh broă mờ Kuang đơng lam bồ càr Bình Dương, Thủ tướng sồr tus ngai 15/9 tus do Bình Dương pal lơh ngan ai rài kis bơh làng bol dê rê wơl mờ bơta bè ờs.

Cau mblàng K’Hạnh