VOV4.K’ho- Mho ngai 31/8, ồng Phạm Minh Chính- Thủ tướng Chính phủ neh  lòt sền Hìu sơnơm sơm kòp ai cau kòp Covid-19 in tàm Hà Nội gơwèt Hìu sơnơm Đại học Y Hà Nội tàm sơnah ƀòn Yên Sở, quận Hoàng Mai, ƀòn dờng Hà Nội mờ lòt sền ală tiah bơtờp uă kòp Covid-19 tàm ù tiah quận Thanh Xuân, Hà Nội.

Tàm dơ̆ pơrjum mờ Kuang đơng lam bồ ƀòn dờng Hà Nội geh bơyai lơh tơnơ̆ tŭ lòt sền, sền gròi ală bơta tàm tiah do dê, ồng Phạm Minh Chính đơs loh, kòp gam gơlik geh kal ke, làng bol Hà Nội lòt tàm gùng kung gam uă ngan sơl, dèn tàng Thủ tướng đơs là, gam lơh jat Chỉ thị sồ 16 den bè hơ̆ là ờ hềt lơh geh cồng nha. Thủ tướng sồr, xã, sơnah ƀòn pal bơyai lơh xét nghiệm jat jơnau sồr. Pal lơh sơr băc mhar, tơrmù tŭ tơngai. Xã, sơnah ƀòn tơrgùm, sền gròi, sơm kòp mhar ngan rlau jơh dilah gơtùi, ai broă lơh sơnơm tus rềp mờ làng bol ngan rlau jơh, gờñ ngan rlau jơh nàng tơrmù khà cau chơ̆t, pleh bơta gơ kòl, uă ir tàm kơnă hơđang, làng bol kung iang nùs sơl tài bơh geh sơm kòp gờñ.

Cau mblàng K’Hạnh