VOV4.K’ho- Di Ngai Cau lơh sa kă bro Việt Nam (13/10), ồng Phạm Minh Chính- Thủ tướng Chính phủ pa geh sră pơyoa mpồl cau lơh sa kă bro tàm gùt lơgar in.

Tàm sră pơyoa, Thủ tướng tơngŏ bơta gĭt wă loh làng, tàm pà bal, iăt, kơno mờ geh pơn jat tai geh ală gùng dà dong kờl nàng mpồl lơh sa kă bro in sơr lèt gan kal ke, brồ guh uă rlau tai mờ gam bơt bơtàu Broă lơh bơtàu tơnguh wơl, bơtàu tơnguh lơh sa- mpồl bơtiàn, gơdờp mờ bơta ờdo ờdă, ngăc ngar, gròi sền geh cồng nha kòp Covid-19. Mờ kung lam lơh ală broă lơh gah lơh sơnơm dê dùl bă jak chài, ờdo ờdă, di pal, geh cồng nha, ngan là broă lơh jŏ jòng cĭt sơnơm vaccine, dong kờl mpồl lơh sa kă bro, cau lơh sa kă bro sơr băc mhar bơtàu tơnguh wơl lơh sa, kă bro, ai rài kis rê wơl mờ bơta bè ờs. Chính phủ mờ ală anih lơh broă geh gơnap gơnoar geh lơh pràn tam gơl pa broă lơh, tă bơsong bơta kal ke, kòl yan, hòi jà tă pơgồp bal priă jền, tam gơl pa sră nggal... lơh geh anih kă bro niam, ring bal nàng mpồl lơh sa kă bro in bơtàu tơnguh mờ mut gơ rờm bal dunia. Di dơ̆ do, Chính phủ mờ làng bol Việt Nam kung cih dờp bơta dong kờl, tă pơgồp bal, lòt bal bơh ală cau lơh sa kă bro, mpồl lơh sa kă bro bơh lơgar ndai dê neh tă pơgồp bal ai bơta bơtàu tơnguh lơh sa Việt Nam dê kung bè tàm broă lơh rcang sơndră kòp.

Cau mblàng K’Hạnh