VOV4.K’ho- Drim ngai 13/10, Thủ tướng Chính phủ ồng Phạm Minh Chính tìp mat cau tĕ khà ƀòn dờng Cần Thơ jat broă lơh pờ tơn tàm internet, rơcang tus pơrjum dơ̆ 2, Quốc hội khóa 15. Ala mat Chính phủ, dùl dơ̆ tai Thủ tướng đơs niam bơta lơh jat, bơta tus bal jơh nùs bơh cau tĕ khà ƀòn dờng Cần Thơ dê tàm broă lơh rơcang sơndră kòp Covid-19 mờ gàr bè ờs, bơtàu tơnguh wơl, bơtàu tơnguh lơh sa mpồl bơtiàn.

Mờ gơnoar là kuang bàng Quốc hội bơh ƀòn dờng Cần Thơ dê, Thủ tướng Chính phủ tam pà 2, 3 tơngume; 2, 3 broă geh cau tĕ khà sền gròi bè: broă lơh rơcang sơndră kòp Covid-19, bơta bơtàu tơnguh lơh sa mpồl bơtiàn 9 nhai nam 2021 bơh gùt lơgar dê đơs bal mờ bơh ƀòn dờng Cần Thơ dê đơs is. Thủ tướng Chính phủ kơp kờñ, bơh nùs nhơm tam klac, ring bal, brồ guh is, Cần Thơ pal rơcang lài rlau, jơh nùs rlau, mhar bơtàu tơnguh wơl, bơtàu tơnguh mhar mờ kơ̆ kơljap lơh sa- mpồl bơtiàn.

Cau mblàng K’Duẩn