VOV4.K’ho - Mho òr (19/10), Thủ tướng Chính phủ ồng Phạm Minh Chính tìp măt ala măt geh pơnrơ jăk ală mpồl cau ùr di tơnkah 91 nam ngai crơng gơs Mpồl tam klăc cau ùr Việt Nam, Ngai cau ùr Việt Nam (20/10).

Tàm dơ̆ tìp măt, geh 46 nă cau ala măt là ală cau mè Việt Nam khin cha jăk chài, ală cau ùr geh pơnrơ jăk bơh mpồl cau geh bồ tơngoh ngăc ngar, cau lơh sa kă bro, bác sĩ, cau chài đơs crih tamya, công nhân, mpồl ling, cau lơh broă mờ lơgar ndai, cau ùr geh rài kis kal ke, cau ùr tus bal tàm broă rơcang sơndră mờ kòp gơtờp neh yal wơl ală jơnau kuơ màng tàm nam pa do. Đơs tàm dơ̆ tìp măt, Thủ tướng ồng Phạm Minh Chính đơs tờm, Đảng, Dà lơgar neh dờp ală broă lơh kuơ màng mờ gơnoar dờng màng bơh cau ùr Việt Nam bơh ală rài. Làng bol git ưn ngài broă lơh dờng màng bơh ală cau Mè Việt Nam khin cha jăk chài, ală cau mè neh deh mờ ròng siam ală rơnàng khin cha jăk chài bơh Dà lơgar jăk chài dê.

Cau mblàng Ndong Brawl