VOV4.K’ho - Mang òr (22/11) jăt jơ tàm tiah do, Thủ tướng ồng Phạm Minh CHính bal mờ mpồl kuang bàng ala măt dờng màng lơgar Việt Nam tus càr lơgar Tokyo, sơn đờ dơ̆ tus còp mùl màl lơgar Nhờk jăt jơnau jà bơh Thủ tướng lơgar Nhờk ồng Fumio Kishida.

Jăt broă tus còp, Thủ tướng ồng Phạm Minh Chính geh cri bơyai mờ Thủ tướng lơgar Nhờk ồng Fumio Kishida; sền dơ̆ kĭ sră hơ bal mờ jào ală sră nggal lơh broă bal; cri bơyai mờ Chủ tịch Thượng viện lơgar Nhờk ồng Santo Akiko; Chủ tịch Hạ viện ồng Hosoda Hiroyki. Di tàm dơ̆ tus còp, Thủ tướng ồng Phạm Minh Chính kung wă ală mpồl lơh broă chính trị mpồl bơtiàn lơgar Nhờk; Thủ tướng lơgar Nhờk lài do ồng Shinzo Abe; tus bal ală dơ̆ cri bơyai Mpồl lơh sa kă bro bàr đah, Pơrjum hòi jà bơcri priă, Pơrjum lơh broă bal đah ală càr, ƀòn dờng; wă ală tập đoàn, mpồl lơh sa dờng lơgar Nhờk. Thủ tướng kung geh dơ̆ tìp mờ kuang bàng, cau lơh broă tàm Đại sứ quán lơgar Việt Nam, mpồl bơtiàn cau lơgar Việt Nam bơsram sră, ơm kis mờ lơh broă tàm lơgar Nhờk.

Cau mblàng Ndong Brawl