VOV4.K’ho - Mang òr (09/08), Thủ tướng Chính phủ ồng Phạm Minh Chính tus mờ geh jơnau đơs kuơ màng tàm pơrjum cri bơyai pờ kuang bàng cấp dờng màng geh bơyai lơh tàm internet bơh Hội đồng Bảo an Liện hợp quốc mờ tơngu me “Tơnguh bơta lơngăp lơngai dà lềng: Dùl gah broă lơh broă bal dunia dê”.

Do là dơ̆ sơnrờp Hội đồng Bảo an Liên hợp quốc bơyai lơh dùl dơ̆ pơrjum mùl màl is bè tơngu me lơngăp lơngai dà lềng tàm bơta geh uă bơta tơlòng gơguh gơwèt mờ lơngăp lơngai dà lềng tàm dunia mờ ală tiah. Tàm jơnau đơs bơh să tờm dê tàm Hội đồng Bảo an, Thủ tướng Chính phủ ồng Phạm Minh Chính đơs tus ală gùng dà, broă lơh dờng bơh Đảng mờ Dà lơgar he dê bè dà lềng, tàm hơ̆ geh broă lơh jŏ jòng tơnguh bơtàu kơl jăp lơh sa dà lềng lơgar Việt Nam dê; hòi jà geh tơnguh lơh broă bal dunia nàng bơsong ală bơta tơlòng bal bè lơngăp lơngai dà lềng, chồl pràn broă gĭt jơnau bal, lơh jăt adăt boh lam dunia, tàm hơ̆ uă ngan là Công ước Liên hợp quốc bè Adăt dà lềng nam 1982 mờ geh tơl gơnoar, bơta kuơ di pal bơh ală lơgar kis jăt gah dà lềng; bơh tŭ hơ̆ geh tơlĭk gơnoar, pơgồp bal kơnòl bơh lơgar Việt Nam dê gơwèt mờ broă bơh Hội đồng Bảo an đơs is mờ gùng dà broă cri bơyai bè dà lềng tàm ală pơrjum uă lơgar đơs bal.

Cau mblàng Ndong Brawl