VOV4.K’ho - Thủ tướng Chính phủ ồng Phạm Minh Chính neh lam bồ mpồl kuang bàng ala măt lơgar Việt Nam tus pơrjum pờ tơlik tàm internet Dờng màng mpồl ASEAN mờ lơgar Australia dơ̆ sơnrờp. Kuang đơng lam ală lơgar tàm mpồl ASEAN, Thủ tướng lơgar Australia mờ Tổng Thư ký mpồl ASEAN tus bal pơrjum do.

Đơs tàm pơrjum, Thủ tướng Chính phủ ồng Phạm Minh Chính đơs tờm, bàr gah pal lơh ngan tơrbŏ wơl ală gah kă bro-bơcri priă gơtìp gơrềng bơh kòp Covid-19, lam sồr mờ ai tơl bơta niam nàng mpồl lơh sa kă bro geh tìp wơl mờ drà kă bro bal, tus bal uă rơlao tàm broă ai phan tàm tiah do, chồl pràn broă lơh bal broă lơh số, broă lơh bơta niam uă, bơto bơtê cau lơh broă geh bơta niam uă ai ală lơgar tàm mpồl ASEAN in mờ tìp bal làng bol bơh bàr gah. Thủ tướng kơ̆p kờñ lơgar Australia pơn jăt tai kờñ bal mờ broă lơh ngan bơh mpồl ASEAN dê tàm broă chồl pràn nàng tơmù bơta ờ ndrờm bal tơnguh bơtàu, tơnguh broă pơgồp bal ală tiah dềt tàm mpồl ASEAN, tàm hơ̆ geh tiah dềt Mekong bơh broă lơh bal Mekong mờ lơgar Australia, tơrgùm bal geh cồng nha mờ broă bơ̆t bơtàu mpồl bơtiàn ASEAN.

Cau mblàng Ndong Brawl