VOV4.K’ho- Mho ngai 13/8, jat jơnau sồr bơh đah lơgar Nhờk dê, ồng Phạm Minh Chính- Thủ tướng Chính phủ neh wă Đại sứ lơgar Nhờk tàm Việt Nam ồng Yamada Takio.

Thủ tướng Chính phủ ồng Phạm Minh Chính wă Đại sứ lơgar Nhờk

Tàm dơ̆ wă, ồng Phạm Minh Chính đơs ngan Chính phủ, ală Bộ, gah sơnah lơh broă mờ ală tiah bơh Việt Nam dê neh, gam mờ geh pơn jat tai lòt bal, lơh jat ală broă lơh uă ngan rlau jơh dilah gơtùi nàng dong kờl mpồl lơh sa kă bro lơgar ndai, tàm hơ̆ geh mpồl lơh sa kă bro lơgar Nhờk bơtàu tơnguh wơl bơta kal ke, gàr niam broă lơh sa, ală anih tăc phan. Tàm bơta kòp gam bơtờp mhar, kal ke, ồng Phạm Minh Chính sồr Đại sứ ồng Yamada Takio dan mờ Chính phủ mờ ală anih lơh broă geh gơrềng bơh lơgar Nhờk dê pơn jat tai dong kờl, ai wơl vaccine ai lơgar Việt Nam in; tơnguh lơh broă bal lơh sa mờ tàm jàu công nghệ vaccine mờ sơnơm sơm kòp Covid-19 mờ Việt Nam.

Cau mblàng K’Hạnh