VOV4.K’ho- Tàm Hìu lơh broă Chính phủ, Thủ tướng Chính phủ ồng Phạm Minh Chính neh geh dơ̆ wă mò Victoria Kwakwa, Phó Chủ tịch Ngân hàng dunia (WB) drơng broă tiah Đông Á mờ Thái Bình Dương gam geh dơ̆ lòt còp mờ lơh broă tàm lơgar Việt Nam.

Tàm nùs nhơm sơrmah sơrmài, ram mhŭ, Thủ tướng jờng rơ mò Victoria Kwakwa lòt còp wơl lơgar Việt Nam, đơs nền WB là mpồl lơh broă bal bơtàu tơnguh kuơmàng ngan sùm lòt bal dong kờl mờ tă pơgồp jơh nùs ngan tàm broă lơh bơtàu tơnguh lơh sa- mpồl bơtiàn bơh lơgar Việt Nam dê; mờkung đơs niam WB geh uă jơnau pơlam broă lơh dờng geh cồng nha, dipal mờ ală gùng dà, jơnau kờñ bơh Việt Nam dê tàm ală tŭ tơngai. Thủ tướng ưn ngài WB neh dong kờl Việt Nam geh ơm ing tơm dồs mhar ală bơnah priă càn IDA nàng geh tai bơta pràn tàm broă lơh rơcang sơndră kòp mờ gàr sùm gơguh lơh sa, đơs niam jơnau bơceh bơh WB dê neh dong kờl ală lơgar rơcang sơndră kòp Covid-19, tàm hơ̆ geh Việt Nam.

Cau mblàng K’Duẩn