VOV4.K’ho - Drim òr (23/09) Thủ tướng Chính phủ Phạm Minh Chính đơng lam pơrjum Mpồl đơng lam sền sơwì broă rơcang sơndră nàng rơcang sơndră mờ kòp gơtờp tàm tơngai do, tàm hơ̆ uă ngan là cri bơyai bè broă “gơdờp ờ do ờ dă, ndrờm bal, geh sền gròi mờ kòp Covid-19” tàm tơngai tus.

Đơs tàm pơrjum, Thủ tướng sồr, pal kơlôi sơnơng broă lơh gơdờp bal niam ờ do ờ dă, ndrờm bal, geh cồng nha. Broă pơgồp jơnau đơs ală broă lơh là broă kuơ màng ờ gơtùi lời ing tài tơngai ờ geh uă, pal geh pơgồp bal uă, broă lơh geh uă, bơta pràn geh ờ uă. Thủ tướng đơs loh, pa do, tàm ờ uă càr, mang trung thu, làng bol lik lòt tàm gùng gal ir, broă di gơlan gơtờp mờ kòp geh uă. Pal sền wơl broă do. Jăt jơnau yal bơh Mpồl đơng lam Dà lơgar rơcang sơndră mờ kòp Covid-19 dê, tàm gùt lơgar, bơta kòp gơtờp gam geh sền gròi mờ geh uă tam gơk niam; tàm 2 poh pa do, khà cau gơtìp kòp tàm mpồl bơtiàn mờ chơ̆t neh gơmù sùm. Tŭ do, khà sơnơm vaccine neh geh tam pà rơlao 50 tơlăk 200 rơbô ding mờ neh geh cit rơlao 35 tơlăk 100 rơbô ding.

Cau mblàng Ndong Brawl