VOV4.K’ho- Ngai 13/9, Thủ tướng Chính phủ ồng Phạm Minh Chính, Kuang atbồ Mpồl đơng lam dà lơgar rơcang sơndră kòp Covid-19 đơng lam pơrjum pờ tơn tàm internet mờ ală xã, sơnah ƀòn, thị trấn, kơnhoàl, thị xã, ƀòn dờng, ală càr Tiền Giang, Kiên Giang bè broă lơh rơcang sơndră kòp Covid-19. Do là 2, càr gơlik geh ală tiah geh kòp pa mờ gơlik geh kal ke.

Tàm anih pờ tơlik tơn Hìu lơh broă Chính phủ

Đơs tàm dơ̆ pơrjum, Thủ tướng Phạm Minh Chính dùl dơ̆ tai đơs nền bơta dipal bơh gùng dà ai xã, sơnah ƀòn lơh pôs, làng bol là cau ling, làng bol ờ mìng là anih tờm mờ gam là cau tờm tàm broă rơcang sơndră kòp. Broă ai sơnơm tơmba, cau lơh sơnơm rê hờ kấp hơđơm rềp làng bol ngan rlau jơh neh pơgồp bơnah kuơmàng tơrmù ƀà bơta kơn jơ̆ ai kấp hơđang in, cau bơtờp kòp geh mhar geh ngui broă lơh kham sơm kòp gờñ ngan rlau jơh mờ tơrmù ƀà bơta kơn jơ̆ kấp hơđang in, tơrmù khà cau chơt.

Mìng is 2 càr Kiên Giang mờ Tiền Giang broă gơlik geh kung gam kal ke ngan, uă xã, sơnah ƀòn, thị trấn gam ờ geh kòp, gam geh jơnau pơhìn uă gơ gơs tiah geh jơnau pơhìn uă ngan, là bơta pal kơlôi rơcang ngan. Thủ tướng kờñ iat 2 càr do yal bè broă lơh đơng lam rơcang sơndră kòp, bơh hơ̆ mblàng lơh loh jơnau bơh tài gơlik geh, bơh hơ̆ tam gơl ală broă lam lơh, ală broă lơh rơcang sơndră kòp nàng gơ in geh cồng nha.

Cau mblàng K’Duẩn