VOV4.K’ho- Thủ tướng Chính phủ pa tơlik Jơnau sồr sồ 13 bè chồl mhar tơngai mờ tơnguh bơta niam bơt bơtàu Broă rơndap lơh bơcri priă dà lơgar dimơ tơngai bơh nam 2021 tus nam 2025.

Thủ tướng Chính phủ sồr ală Bộ trưởng, kuang atbồ ală anih lơh broă ndrờm mờ Bộ, anih lơh broă gơ wèt Chính phủ, ală anih lơh broă ndai tàm dà lơgar, ală mpồl lơh broă chính trị- mpồl bơtiàn; sồr ală kuang bàng Bí thư Tỉnh ủy, Thành ủy mờ sồr ală kuang bàng Chủ tịch Ủy ban Nhân dân ală càr, ƀòn dờng gơ wèt dà lơgar tơrgùm đơng lam lơh jat ring bal, jơh nùs ală tơngume tờm tơnơ̆ do: Lơh jat mờ lam lơh ngan ngồn ală gùng dà, jơnau kờñ, kơnòl broă, broă lơh, 3 bơta tam gơl geh đơs tàm broă rơndap lơh bơtàu tơnguh lơh sa- mpồl bơtiàn 10 nam bơh nam 2021 tus nam 2030, gùng dà bơtàu tơnguh lơh sa mpồl bơtiàn 5 nam, bơh nam 2021 tus nam 2025 neh geh Pơrjum dờng dơ̆ 13 bơh Đảng dê ring bal. Bơcri priă geh tơngume tờm tàm ală gah broă lơh kuơmàng, ală tiah tờm, ală gah bơtàu tơnguh, ală rơndap broă dờng, broă kuơmàng bơh dà lơgar, rơndap broă dờng màng, tơrbŏ bal ală tiah, ală rơndap broă kuơmàng, jal mhar bơh kấp hơđơm dê nàng tơnguh cồng nha ngui priă bơcri dà lơgar.

Cau mblàng K’Duẩn