VOV4.K’ho- Văn phòng Chính phủ pa geh jơnau yal pơn dŭt bơh Thủ tướng Chính phủ ồng Phạm Minh Chính (sồ133 ngai 29/5/2021) tàm dơ̆ pơrjum bè bơta, cồng nha broă lơh mờ ală broă gam gơ kòl jal mhar pal tơrgùm sồr lơh bơh Bộ Công thương dê. Tàm ală broă jal mhar geh gah lơh broă ồs đèng.

Jat hơ̆, Thủ tướng Chính phủ jàu Phó Thủ tướng ồng Lê Văn Thành in tơrgùm đơng lam kờp sền nền tơngume rơndap ù tiah lơh ồs  đèng 8 gàr niam di pal mờ bơta geh ngan, ơn bơta kuơ dà lơgar mờ jơi bơtiàn dê hơđang rlau jơh, lài ngan rlau jơh, kuơ màng sền gròi tus sơndră broă lơh ờ niam tàm broă bơt bơtàu broă lơh, cau lơi lơh tìs lơh glài kràñ jat jơnau cih bơh Đảng mờ adat boh lam bơh Dà lơgar dê. Tàm hơ̆ pal sền ngăc broă kơlôi sơnơng mblàng sền nền bè giá đèng; Broă  tàm pơndrờm di pal bè rơndap tap sèng ală khà đèng (bè hìu măy pờ tơlik đèng, nhiệt điện, năng lượng lơh gơlik wơl) mờ gàr niam bơta di pal đah ală tiah, ù tiah pleh lời gơlik geh pơhì pơhà priă jền dà lơgar dê.

Cau mblàng K’Hạnh