VOV4.K’ho- Ngai 28/9, đơs pơn dŭt pơrjum pờ tơlik tơn tàm internet gùt lơgar bè bơcri priă dà lơgar, ồng Phạm Minh Chính- Thủ tướng Chính phủ đơs ngan, Chính phủ, Thủ tướng Chính phủ neh geh uă bơta tam gơl pa, kràñ cê lơh ngan tàm broă đơng lam, sồr lơh broă rơndap lơh bơcri priă dà lơgar nam 2021.

Thủ tướng Chính phủ ồng Phạm Minh Chính đơs tàm dơ̆ pơrjum

Chính phủ, Thủ tướng Chính phủ sùm sền gĭt loh gùng dà broă lơh, jơnau kờñ tàm broă đơng lam, sồr lơh là “ pơnđơl pràn lơh ngan khà ai priă nam 2021 lơh geh rlau 95% broă rơndap lơh, pơgồp bơnah kuơ màng tàm broă bơtàu tơnguh wơl mờ bơtàu tơnguh rài lơh sa tàm tơngai kòp dờng Covid-19”. Broă lơh ai priă bơcri dà lơgar neh geh lam lơh dơ̆ lĕ bal mờ lơh geh bàr pe cồng nha niam ngan. Thủ tướng đơs ngan, bơcri priă dà lơgar là dùl tơngume dờng màng, nàng lơh sir jơnau kờñ bơtàu tơnguh lơh sa- mpồl bơtiàn nam 2021, tàm ală nhai gam wơl bơh nam 2021 dê, Thủ tướng sồr ală Bộ, gah sơnah lơh broă, ală tiah lơh jat kràñ cê jơh nùs, dơ̆ lĕ bal ală gùng dà broă lơh, tă bơsong di tŭ ală bơta kal ke kòl yan, bơsong ală bơta gơkòl nàng lơh mhar tŭ tơngai lơh jat broă ai priă bơcri dà lơgar dê.

Cau mblàng K’Hạnh