VOV4.K’ho- Ngai òr 4/12, Thủ tướng Nguyễn Xuân Phúc mờ Mpồl kuang bàng Quốc hội [òn dờng Hải Phòng neh tìp mat mờ cau te\ khà quận Kiến An nàng yal cồng nha pơrjum dơ\ 4, Quốc hội kơnă XIV.

Hơ ală jơnau lùp bơh cau te\ khà dê tàm dơ\ tìp mat, Thủ tướng đơs loh, tơngai tus Chính phủ geh lơh ngan đơng lam bơsong ală bơta gam ờ hềt niam tàm broă lơh, ờ mìng sền gròi bơtàu tơnguh lơh sa lơm mờ gam pal gàr tơl niam rài kis mpồl bơtiàn tai.

Thủ tướng đơs uă, mờ bơta lơh ngan bơh jơh gùt làng bol dê, bơta đơng lam, atbồ krà` cê jơh nùs bơh gơnoar atbồ ală kơnă bơh dà lơgar tus [òn lơgar dê, gùt lơgar neh jơh lơh tơl làm sơrlèt khà 13 tàm 13 broă lơh sa- mpồl bơtiàn mờ Ban Chấp hành Đảng Dà lơgar mờ Quốc hội dê jàu.

Chính phủ geh lơh ngan đơng lam bơsong ală bơta gam ờ hềt niam tàm broă lơh bè bơsong bơta gơlời wơl bơh trồ tiah lơh aniai, sền gàr rài kis ring lơngai ai làng bol in, sền gàr niam rlau tai bơta lơngăp lơngai rơndăp tăp sèng ờdo ờdă bơh dà lơgar dê.

Cau cih mờ yal tơngi\t- Lơ Mu K’ Yến