VOV4.K’ho- Mho òr 20/12, tàm Hìu duh broă Chính phủ dê, tìp mat mờr 100 mpồl lơh sa kă bro geh phan bơna lơh geh Mat phan kă bro dà lơgar nam 2018, ồng Nguyễn Xuân Phúc Thủ tuớng Chính phủ đơs là bơta sac rwah bơh drà kă bro dê ngan là bơta pơn jờng hòi jà mpồl lơh sa kă bro mờ sồr mpồl lơh sa kă bro ờ go\ di lời “phan ờ ngan gơlik gơs phan ngan”, lài den niam tơnơ\ den ờ niam.

Dơ\ tìp mat geh lơh lài mờ dơ\ bơyai lơh yal ală phan bơna Mat phan kă bro dà lơgar nam 2018 geh bơyai lơh tàm Hìu đơs crih dờng Hà Nội tàm mang òr. Do là dơ\ sac rwah, yal dơ\ 6 kờp bơh tu\ lam lơh broă lơh do tàm nam 2008.

Nam do, geh 97 mpồl lơh sa kă bro geh phan bơna geh sră jờng rơ do. Tàm dơ\ tìp mat, ală mpồl lơh sa kă bro ndrờm đơs ngan bơta jơh nùs gàr kơ\ mat phan kă bro, ai ală phan bơna “Made in Việt Nam” sơlơ gơlòt ngan mờ kơ\p kờ` geh bơta sền gròi, dong kờl bơh Chính phủ, Thủ tướng Chính phủ dê.

Cau mblàng Lơ Mu K’Yến