VOV4.K’ho - Ala măt Thủ tướng Chính phủ, Phó Thủ tướng ồng Lê Minh Khái pa kĭ kơrnoăt bè khà priă blơi bơtơl 19 tơlăk 998 rơbô 810 ding sơnơm vaccine rơcang sơndră mờ kòp Covid-19 BNT162 bơh gah lơh sơnơm Pfizer dê.

Kơrnoăt cih loh, ngui 2 rơbô 652 tơmàn 537 tơlăk đong bơh kes priă sơnơm vaccine rơcang sơndră mờ kòp Covid-19 lơgar Việt Nam dê nàng blơi bơtơl 19 tơlăk 998 rơbô 810 ding sơnơm vaccine rơcang sơndră mờ kòp Covid-19 BNT162 bơh gah lơh sơnơm Pfizer dê mờ tă lơh jăt ală broă drơng broă cih sơnơm vaccine rơcang sơndră mờ kòp Covid-19 jăt jơnau sồr bơh Bộ Y tế dê. Thủ tướng Chính phủ jào Bộ Tài chính tă kes priă di jăt mờ kơrnoăt geh ai. Bộ Y tế, Bộ Tài chính dờp kơnòl bè tơngu me bal mờ khà yal. Broă atbồ, ngui, tă jơh khà priă do di jăt mờ kơrnoăt geh ai, di broă, tềm pềr, geh cồng nha, loh làng, ndrờm bal. Bộ Y tế yal Thủ tướng Chính phủ in broă ngui khà priă do di jăt mờ kơrnoăt geh ai.

Cau mblàng Ndong Brawl