VOV4.K’ho- Tàm Hìu đơs crih dờng Hà Nội pa geh lơh Dơ̆ jàu Khà jờng gùt lơgar bè yal tơngĭt jơnau lơh broă mờ lơgar ndai dơ̆ VII. Đơs tàm dơ̆ bơyai lơh, Thủ tướng Chính phủ ồng Phạm Minh Chính đơs sùm: “Yal tơngĭt jơnau lơh broă mờ lơgar ndai geh gơnoar broă kuơmàng ngan, lơh ai mpồl bơtiàn dunia in gĭt loh gùng dà, broă lơh bơh Đảng dê, kơrnoăt boh lam bơh Dà lơgar dê; tam pà bal, kờñ bal nùs nhơm bơh Việt Nam dê gơwèt mờ ală broă tàm tiah do mờ tàm dunia; yal tơngĭt rùp să dà lơgar, kòn bơnus, jơnau kah yau, bơta niam chài bơh jơi bơtiàn dê mờ ală cồng nha bơtàu tơnguh bơh dà lơgar he dê”.

Jăt Mpồl bơyai lơh yal, ală jơnau cih pơyua pơrlòng Khà jờng nam do geh tơngume li la ngan, uă ngan, đơs jơh ală broă, bơta pơnrơ ngan tàm nam 2021. Pơnrơ ngan là uă jơnau cih neh ngui măy mok yal tơngĭt jơnau pa rài do, geh bơta kuơ yal tơngĭt jơnau lơh broă mờ lơgar ndai, bơta lơh gơrề uă, gơhòi gơ jà geh bơta sền gròi bơh làng bol dê tàm dơlam mờ bơdìh lơgar.

Cau mblàng Lơ Mu K’Yến