VOV4.K’ho- Drim ngai 22/9, tàm Hà Nội, ồng Phạm Minh Chính, Ủy viên Bộ Chính trị, Thủ tướng Chính phủ neh tus bal dơ̆ sơn đờm mut nam bơsram pa 2021- 2022 bơh Học viện Quốc phòng (Bộ Quốc phòng) dê. Nam bơsram 2021- 2022, Học viện tơrgùm tàm broă tơnguh bơta niam tơl làm broă lơh pơlam tàp- bơto bơtê, kơlôi sơnơng khoa học, tơrgùm tam gơl pa pràn kơldang rlau tai broă lơh bơto bơsram dipal mờ gùng dà bơto bơtê mờ bơsram pa, pơgồp bal lý luận mờ bơta geh ngan; lơh jat nền nòn jơnau sồr, quy chế tàm broă bơsram, sền sơ wì cồng nha bơsram; jơh nùs lơh jat “3 bơta ngan ngồn”, jơh nùs dră wơl bơta ờ niam, bơta kờñ lơh geh cồng nha tàm broă bơto bơtê, bơsram, lơh broă.

Thủ tướng Chính phủ ồng Phạm Minh Chính tơngkah: Nam bơsram 2021- 2022, Học viện Quốc phòng pal rơcang lài git loh mờ đơs lài, gròi sền niam broă gơlik geh pa bơh kòp bơ tờp dê; pal lơh gơlik bơta tam gơl pa kuơmàng, tơl làm bơto bơtê mờ bơsram, bơtàu tơnguh mpồl cau lơh broă geh bơta niam uă, gơ hòi gơ jà mờ ngui cau jak chài. Bơt bơtàu, lam lơh broă rơndap lơh pơlam tàp, bơto bơtê ngac ngar, gơ jat bal mờ tơl broă gơlik geh bơh kòp bơtờp dê nàng lơh gơs broă lơh bơh tơl mpồl cau dê mờ gàr niam cồng nha pơlam tàp – bơto bơtê.

Cau mblàng K’Duẩn