VOV4.K’ho- Drim ngai 15/11, Thủ tướng Chính phủ ồng Phạm Minh Chính tus bal Ngai chờ tam klac dờng gùt jơi bơtiàn tàm xã Trường Hà, kơnhoàl Hà Quảng, càr Cao Bằng. Đơs tàm ngai chờ, Thủ tướng đơs nền, tàm 19 nam do, broă bơyai lơh Ngai chờ tam klac dờng jơh gùt jơi bơtiàn neh gơ gơs bơta niam ờs mờng tàm jơh ală ƀòn làng bol ơm kis, tàm hơ̆ geh ƀòn Pác Bó, Nặm Lìn mờ Nà Lẹng, xã Trường Hà.

Thủ tướng Chính phủ tus bal Ngai chờ tam klac dờng gùt jơi bơtiàn tàm Pác Bó, Cao Bằng

Ala mat kuang đơng lam bồ Đảng, dà lơgar, Thủ tướng jờng rơ ală cồng nha mờ kơnhoàl, xã, ală ƀòn làng bol ơm kis bơh 3 ƀòn dê neh lơh geh tàm tơngai pa do mờ kơp kờñ xã pơn jat tai bơsong ală bơta ờ niam ờ hềt lơh gơtùi, mờ kung tơnguh nùs nhơm tam klac dờng jơi bơtiàn nàng sơrlèt gan kal ke, brồ guh bơh mpàng tê bồ tơngoh mờ bơta jak chài he dê, bơh bă ù he dê, geh bơt bơtàu bơh bơhiàn kah yau neh mut tàm kah yau jơi bơtiàn dê nàng brồ guh, lơh ngan bơt bơtàu ƀòn tờm, dà lơgar ngai sơlơ pas sơm, niam bơnĕ, làng bol ngai sơlơ geh gơboh gơbài, hờm ram.

Cau mblàng K’Duẩn